ਜੀਓ ਵੱਲੋਂ ਗਾਹਕਾਂ ਲਈ ਧਮਾਕੇਦਾਰ ਤੋਹਫ਼ਾ, ਛਵੰਜਾ ਰੁਪਏ ਵਾਲੇ ਸਸਤੇ ਪਲਾਨ ਵਿੱਚ ਮਿਲੇਗਾ ਅਸੀਮਤ ਫਾਈਵ-ਜੀ ਡਾਟਾ

ਬਰਨਾਲਾ ਬਿਊਰੋ

                  ਦੂਰਸੰਚਾਰ ਕੰਪਨੀ ਰਿਲਾਇੰਸ ਜੀਓ ਵੱਲੋਂ ਆਪਣੇ ਲੱਖਾਂ ਵਰਤੋਂਕਾਰਾਂ ਲਈ ਇੱਕ ਬਹੁਤ ਹੀ ਸ਼ਾਨਦਾਰ ਅਤੇ ਕਿਫ਼ਾਇਤੀ ਆਫ਼ਰ ਲਿਆਂਦਾ ਗਿਆ ਹੈ ਜਿਸ ਨਾਲ ਮੋਬਾਈਲ ਗਾਹਕਾਂ ਵਿੱਚ ਖ਼ੁਸ਼ੀ ਦੀ ਲਹਿਰ ਦੌੜ ਗਈ ਹੈ। ਜੇਕਰ ਤੁਸੀਂ ਵੀ ਜੀਓ ਦੇ ਗਾਹਕ ਹੋ ਅਤੇ ਆਪਣੇ ਲਈ ਸਭ ਤੋਂ ਸਸਤੇ ਡਾਟਾ ਪਲਾਨ ਦੀ ਤਲਾਸ਼ ਕਰ ਰਹੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਫ਼ਾਇਦੇਮੰਦ ਸਾਬਤ ਹੋਣ ਵਾਲੀ ਹੈ। ਜੀਓ ਆਪਣੇ ਗਾਹਕਾਂ ਲਈ ਇੱਕ ਅਜਿਹਾ ਪਲਾਨ ਪੇਸ਼ ਕਰ ਰਿਹਾ ਹੈ ਜਿਸ ਵਿੱਚ ਬਹੁਤ ਘੱਟ ਕੀਮਤ ਵਿੱਚ ਅਸੀਮਤ ਫਾਈਵ-ਜੀ ਡਾਟਾ ਦੀ ਸੁਵਿਧਾ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਇਹ ਰੀਚਾਰਜ ਪਲਾਨ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਅਤੇ ਮਾਈ ਜੀਓ ਐਪਲੀਕੇਸ਼ਨ ਉੱਤੇ ਆਸਾਨੀ ਨਾਲ ਉਪਲਬਧ ਹੈ। ਇਸ ਖ਼ਾਸ ਆਫ਼ਰ ਤਹਿਤ ਮਹਿਜ਼ ਇਕਵੰਜਾ ਰੁਪਏ ਵਾਲੇ ਰੀਚਾਰਜ ਪਲਾਨ ਰਾਹੀਂ ਯੂਜ਼ਰਸ ਨੂੰ ਅਸੀਮਤ ਫਾਈਵ-ਜੀ ਡਾਟਾ ਦੀ ਪੂਰੀ ਸੁਵਿਧਾ ਦਿੱਤੀ ਜਾ ਰਹੀ ਹੈ। ਹਾਲਾਂਕਿ ਜਿਨ੍ਹਾਂ ਖੇਤਰਾਂ ਵਿੱਚ ਫਾਈਵ-ਜੀ ਨੈੱਟਵਰਕ ਉਪਲਬਧ ਨਹੀਂ ਹੈ ਜਾਂ ਜਿਹੜੇ ਗਾਹਕ ਫੋਰ-ਜੀ ਨੈੱਟਵਰਕ ਦੀ ਵਰਤੋਂ ਕਰਦੇ ਹਨ, ਉਨ੍ਹਾਂ ਲਈ ਇਸ ਪਲਾਨ ਵਿੱਚ ਕੁੱਲ ਤਿੰਨ ਜੀਬੀ ਵਾਧੂ ਡਾਟਾ ਦਿੱਤਾ ਜਾਂਦਾ ਹੈ। ਇਸ ਪਲਾਨ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਹ ਹੈ ਕਿ ਇਸ ਦੀ ਆਪਣੀ ਕੋਈ ਸੁਤੰਤਰ ਮਿਆਦ ਨਹੀਂ ਹੁੰਦੀ, ਸਗੋਂ ਇਹ ਤੁਹਾਡੇ ਪਹਿਲਾਂ ਤੋਂ ਚੱਲ ਰਹੇ ਮੁੱਖ ਪਲਾਨ ਦੀ ਮਿਆਦ ਤੱਕ ਹੀ ਵੈਧ ਰਹਿੰਦਾ ਹੈ। ਜੇਕਰ ਤੁਹਾਡੇ ਕੋਲ ਰੋਜ਼ਾਨਾ ਡਾਟਾ ਖ਼ਤਮ ਹੋ ਜਾਂਦਾ ਹੈ ਤਾਂ ਇਹ ਪੈਕ ਤੁਹਾਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਹਾਈ-ਸਪੀਡ ਇੰਟਰਨੈੱਟ ਦੀ ਸੁਵਿਧਾ ਦਿੰਦਾ ਹੈ। ਇਸ ਤੋਂ ਇਲਾਵਾ ਕੰਪਨੀ ਨੇ ਇੱਕ ਸੌ ਇੱਕ ਰੁਪਏ ਵਾਲਾ ਪਲਾਨ ਵੀ ਪੇਸ਼ ਕੀਤਾ ਹੈ ਜਿਸ ਵਿੱਚ ਫੋਰ-ਜੀ ਵਰਤੋਂਕਾਰਾਂ ਲਈ ਛੇ ਜੀਬੀ ਡਾਟਾ ਅਤੇ ਫਾਈਵ-ਜੀ ਨੈੱਟਵਰਕ ਵਾਲੇ ਖੇਤਰਾਂ ਵਿੱਚ ਅਸੀਮਤ ਇੰਟਰਨੈੱਟ ਦੀ ਸੁਵਿਧਾ ਮਿਲਦੀ ਹੈ। ਦੂਰਸੰਚਾਰ ਬਾਜ਼ਾਰ ਵਿੱਚ ਵਧਦੀ ਮੰਗ ਨੂੰ ਦੇਖਦਿਆਂ ਜੀਓ ਦਾ ਇਹ ਕਦਮ ਹੋਰਨਾਂ ਕੰਪਨੀਆਂ ਲਈ ਵੀ ਵੱਡੀ ਚੁਣੌਤੀ ਬਣ ਗਿਆ ਹੈ। ਇਸ ਸਸਤੇ ਪਲਾਨ ਦੇ ਆਉਣ ਨਾਲ ਉਨ੍ਹਾਂ ਲੋਕਾਂ ਨੂੰ ਵੱਡਾ ਫ਼ਾਇਦਾ ਹੋਵੇਗਾ ਜੋ ਰੋਜ਼ਾਨਾ ਜ਼ਿਆਦਾ ਇੰਟਰਨੈੱਟ ਦੀ ਵਰਤੋਂ ਕਰਦੇ ਹਨ ਜਾਂ ਜਿਨ੍ਹਾਂ ਦਾ ਆਨਲਾਈਨ ਕੰਮ ਜ਼ਿਆਦਾ ਹੁੰਦਾ ਹੈ। ਕੰਪਨੀ ਵੱਲੋਂ ਪੇਸ਼ ਕੀਤੇ ਗਏ ਇਸ ਨਵੇਂ ਡਾਟਾ ਐਡ-ਆਨ ਪੈਕ ਨਾਲ ਯੂਜ਼ਰਸ ਘੱਟ ਖ਼ਰਚੇ ਵਿੱਚ ਬਿਹਤਰ ਇੰਟਰਨੈੱਟ ਸੇਵਾਵਾਂ ਦਾ ਆਨੰਦ ਮਾਣ ਸਕਣਗੇ।

ਹੋਰ ਤਾਜ਼ਾ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂ  ਸ਼੍ਰੀ ਮਦ ਭਾਗਵਤ ਕਥਾ ਦੌਰਾਨ ਸਵਾਮੀ ਡਾ. ਰਾਮ ਤੀਰਥ ਜੀ ਮਹਾਰਾਜ ਨੇ ਭਗਤਾਂ ਨੂੰ ਭਗਤੀ ਦੇ ਰੰਗ ਵਿੱਚ ਰੰਗਿਆ