ਟਰੈਕਟਰਾਂ ਤੇ ਖੇਤੀਬਾੜੀ ਸੰਦਾਂ ਲਈ 1 ਅਕਤੂਬਰ ਤੋਂ ਸਖ਼ਤ ਨਿਕਾਸੀ ਨਿਯਮ ਲਾਗੂ

ਬਰਨਾਲਾ ਬਿਊਰੋ

         ਕੇਂਦਰ ਸਰਕਾਰ ਦੇ ਸੜਕ ਆਵਾਜਾਈ ਤੇ ਸ਼ਾਹਰਾਹ ਮੰਤਰਾਲੇ ਵੱਲੋਂ ਪ੍ਰਦੂਸ਼ਣ ਨੂੰ ਨੱਥ ਪਾਉਣ ਲਈ ਇੱਕ ਵੱਡਾ ਕਦਮ ਚੁੱਕਦੇ ਹੋਏ ਟਰੈਕਟਰਾਂ ਅਤੇ ਖੇਤੀਬਾੜੀ ਸੰਦਾਂ ਲਈ ਨਵੇਂ ਸੈਂਟਰਲ ਮੋਟਰ ਵਹੀਕਲਜ਼ ਨੇਮ ਨੋਟੀਫਾਈ ਕੀਤੇ ਗਏ ਹਨ। ਮੋਟਰ ਵਹੀਕਲਜ਼ ਐਕਟ ਦੀ ਧਾਰਾ ਤਹਿਤ ਜਾਰੀ ਇਹ ਨਵੇਂ ਸਖ਼ਤ ਮਾਪਦੰਡ ਪਹਿਲੀ ਅਕਤੂਬਰ ਤੋਂ ਪੜਾਅਵਾਰ ਤਰੀਕੇ ਨਾਲ ਲਾਗੂ ਹੋਣਗੇ, ਜਦੋਂਕਿ ਇਸ ਦੇ ਅਗਲੇ ਵਾਧੂ ਪੜਾਅ ਅਪਰੈਲ ਦੋ ਹਜ਼ਾਰ ਅੱਠਾਈ ਅਤੇ ਅਪਰੈਲ ਦੋ ਹਜ਼ਾਰ ਬੱਤੀ ਵਿੱਚ ਅਮਲ ਵਿੱਚ ਆਉਣਗੇ। ਇਸ ਨਵੇਂ ਫੈਸਲੇ ਤਹਿਤ ਖੇਤੀਬਾੜੀ ਮਸ਼ੀਨਰੀ ਜਿਵੇਂ ਪਾਵਰ ਟਿਲਰਾਂ, ਕੰਬਾਈਨ ਹਾਰਵੈਸਟਰਾਂ ਅਤੇ ਉਸਾਰੀ ਕਾਰਜਾਂ ਵਿੱਚ ਵਰਤੇ ਜਾਣ ਵਾਲੇ ਵਾਹਨਾਂ ਤੋਂ ਹੁੰਦੇ ਨੁਕਸਾਨਦੇਹ ਪ੍ਰਦੂਸ਼ਣ ਨੂੰ ਘਟਾਉਣ ਲਈ ਨਿਕਾਸੀ ਮਾਪਦੰਡਾਂ ਨੂੰ ਪੰਜਵੀਂ ਸਟੇਜ ਵਿੱਚ ਅਪਗ੍ਰੇਡ ਕੀਤਾ ਗਿਆ ਹੈ। ਇਨ੍ਹਾਂ ਨਿਯਮਾਂ ਕਾਰਨ ਹੁਣ ਟਰੈਕਟਰ ਨਿਰਮਾਤਾਵਾਂ ਅਤੇ ਭਾਰੀ ਮਸ਼ੀਨਰੀ ਤਿਆਰ ਕਰਨ ਵਾਲੀਆਂ ਕੰਪਨੀਆਂ ਨੂੰ ਆਪਣੀ ਇੰਜਣ ਤਕਨਾਲੋਜੀ ਵਿੱਚ ਵੱਡਾ ਸੁਧਾਰ ਕਰਨਾ ਪਵੇਗਾ, ਜਿਸ ਨਾਲ ਈਂਧਣ ਦੀ ਬੱਚਤ ਹੋਵੇਗੀ ਅਤੇ ਵਾਤਾਵਰਨ ਨੂੰ ਸਾਫ਼ ਰੱਖਣ ਵਿੱਚ ਮਦਦ ਮਿਲੇਗੀ। ਖ਼ਰੀਦਦਾਰਾਂ ਨੂੰ ਹੁਣ ਉੱਨਤ ਨਿਕਾਸ ਕੰਟਰੋਲ ਪ੍ਰਣਾਲੀ ਵਾਲੇ ਵਾਹਨ ਮਿਲਣਗੇ। ਸਰਕਾਰ ਨੇ ਨਿਰਮਾਤਾਵਾਂ ਅਤੇ ਡੀਲਰਾਂ ਦੀ ਸਹੂਲਤ ਲਈ ਪੁਰਾਣੇ ਸਟਾਕ ਨੂੰ ਵੇਚਣ ਅਤੇ ਰਜਿਸਟ੍ਰੇਸ਼ਨ ਕਰਵਾਉਣ ਵਾਸਤੇ ਨੌਂ ਮਹੀਨਿਆਂ ਦਾ ਵਿਸ਼ੇਸ਼ ਸਮਾਂ ਵੀ ਦਿੱਤਾ ਹੈ ਤਾਂ ਜੋ ਤਬਦੀਲੀ ਦੇ ਇਸ ਦੌਰ ਵਿੱਚ ਉਨ੍ਹਾਂ ਨੂੰ ਕੋਈ ਆਰਥਿਕ ਨੁਕਸਾਨ ਨਾ ਝੱਲਣਾ ਪਵੇ।

ਹੋਰ ਤਾਜ਼ਾ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂ ਗਰਮੀ ਅਤੇ ਹੁੰਮਸ ਦੇ ਕਹਿਰ ਦਰਮਿਆਨ ਸਕੂਲਾਂ ਵਿੱਚ ਦੋ ਹਫ਼ਤਿਆਂ ਦੀਆਂ ਵਾਧੂ ਛੁੱਟੀਆਂ ਦਾ ਐਲਾਨ