ਪੀ.ਐਂਮ.ਮੋਦੀ ਨੇ ਇੰਡੋਨੇਸ਼ੀਆ ਦੇ ਰਾਸ਼ਟਰਪਤੀ ਨੂੰ ਭੇਟ ਕੀਤੇ ਭਾਰਤੀ ਸੰਸਕ੍ਰਿਤੀ ਦੇ ਅਨਮੋਲ ਤੋਹਫ਼ੇ, ਵਿਸ਼ਵ ਭਰ ‘ਚ ਗੂੰਜੀ ਦੇਸੀ ਕਲਾ

ਕੇਂਦਰੀ ਬਿਊਰੋ

ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੇ ਇੰਡੋਨੇਸ਼ੀਆ ਦੇ ਅਧਿਕਾਰਤ ਦੌਰੇ ਦੌਰਾਨ ਭਾਰਤੀ ਸੰਸਕ੍ਰਿਤੀ ਦੀਆਂ ਅਮੀਰ ਅਤੇ ਅਨਮੋਲ ਪਛਾਣਾਂ ਨੂੰ ਵਿਸ਼ਵ ਪੱਧਰ ‘ਤੇ ਉਜਾਗਰ ਕਰਦੇ ਹੋਏ ਉੱਥੋਂ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਪ੍ਰਾਬੋਵੋ ਸੁਬਿਆਂਤੋ ਨੂੰ ਮਿਲਣ ਪਹੁੰਚੇ ਅਤੇ ਇਸ ਇਤਿਹਾਸਕ ਮੁਲਾਕਾਤ ਦੌਰਾਨ ਉਨ੍ਹਾਂ ਨੇ ਭਾਰਤ ਦੇ ਵੱਖ-ਵੱਖ ਰਾਜਾਂ ਦੀਆਂ ਬਿਹਤਰੀਨ ਕਲਾਕ੍ਰਿਤੀਆਂ ਅਤੇ ਰਵਾਇਤੀ ਤੋਹਫ਼ੇ ਭੇਟ ਕਰਕੇ ਦੋਵਾਂ ਦੇਸ਼ਾਂ ਦੇ ਸੱਭਿਆਚਾਰਕ ਸਬੰਧਾਂ ਨੂੰ ਹੋਰ ਮਜ਼ਬੂਤ ਕੀਤਾ। ਪ੍ਰਧਾਨ ਮੰਤਰੀ ਮੋਦੀ ਦੀ ਇਸ ਖ਼ਾਸ ਪਹਿਲਕਦਮੀ ਸਦਕਾ ਅੱਜ ਪੂਰੀ ਦੁਨੀਆ ਵਿੱਚ ਭਾਰਤ ਦੀ ਗ੍ਰਾਮੀਣ ਅਤੇ ਲੋਕ ਕਲਾ ਦਾ ਪਰਚਮ ਬਹੁਤ ਹੀ ਮਾਣ ਨਾਲ ਲਹਿਰਾ ਰਿਹਾ ਹੈ ਕਿਉਂਕਿ ਉਨ੍ਹਾਂ ਨੇ ਜਿਨ੍ਹਾਂ ਤੋਹਫ਼ਿਆਂ ਦੀ ਚੋਣ ਕੀਤੀ, ਉਹ ਸਦੀਆਂ ਪੁਰਾਣੀ ਭਾਰਤੀ ਕਾਰੀਗਰੀ, ਅਧਿਆਤਮਿਕਤਾ ਅਤੇ ਪੇਂਡੂ ਔਰਤਾਂ ਦੀ ਬੇਮਿਸਾਲ ਮਿਹਨਤ ਦਾ ਪ੍ਰਤੀਕ ਹਨ। ਇਸ ਦੌਰੇ ਦੌਰਾਨ ਸਭ ਤੋਂ ਵਿਸ਼ੇਸ਼ ਤੋਹਫ਼ਾ ਉੱਤਰਾਖੰਡ ਦੇ ਕੁਮਾਊਂ ਖੇਤਰ ਦੀ ਇੱਕ ਬਹੁਤ ਹੀ ਪ੍ਰਸਿੱਧ ਅਤੇ ਪਰੰਪਰਾਗਤ ਲੋਕ ਕਲਾ ‘ਐਪਨ‘ ਤੋਂ ਤਿਆਰ ਕੀਤੀ ਗਈ ਭਗਵਾਨ ਸ਼ਿਵ ਦੀ ਇੱਕ ਅਦਭੁਤ ਕਲਾਕ੍ਰਿਤੀ ਸੀ, ਜਿਸ ਨੂੰ ਮੁੱਖ ਤੌਰ ‘ਤੇ ਪਿੰਡਾਂ ਦੀਆਂ ਔਰਤਾਂ ਤਿਉਹਾਰਾਂ ਅਤੇ ਸ਼ੁਭ ਮੌਕਿਆਂ ‘ਤੇ ਆਪਣੇ ਘਰਾਂ ਦੇ ਫਰਸ਼ਾਂ ਅਤੇ ਕੰਧਾਂ ‘ਤੇ ਸਦੀਆਂ ਤੋਂ ਬਣਾਉਂਦੀਆਂ ਆ ਰਹੀਆਂ ਹਨ। ਇਸ ਰਵਾਇਤੀ ਕਲਾਕ੍ਰਿਤੀ ਨੂੰ ਤਿਆਰ ਕਰਨ ਲਈ ਟੈਰਾਕੋਟਾ ਲਾਲ ਰੰਗ ਦੇ ਖ਼ਾਸ ਆਧਾਰ ਯਾਨੀ ਗੇਰੂ ਦੀ ਵਰਤੋਂ ਕੀਤੀ ਜਾਂਦੀ ਹੈ ਅਤੇ ਉਸ ਦੇ ਉੱਪਰ ਚੌਲਾਂ ਦੇ ਬਾਰੀਕ ਪੇਸਟ, ਜਿਸ ਨੂੰ ਸਥਾਨਕ ਭਾਸ਼ਾ ਵਿੱਚ ਬਿਸਵਾਰ ਕਿਹਾ ਜਾਂਦਾ ਹੈ, ਦੇ ਨਾਲ ਬਹੁਤ ਹੀ ਬਾਰੀਕ ਸਫ਼ੇਦ ਰੰਗ ਦੇ ਸੁੰਦਰ ਪੈਟਰਨ ਉਕਰੇ ਜਾਂਦੇ ਹਨ। ਇਹ ਸਾਰਾ ਕੰਮ ਬਿਨਾਂ ਕਿਸੇ ਬਣਾਵਟੀ ਸਾਂਚੇ ਦੇ, ਸਿਰਫ਼ ਹੱਥਾਂ ਦੀਆਂ ਉਂਗਲਾਂ ਦੀ ਸਟੀਕਤਾ ਨਾਲ ਕੀਤਾ ਜਾਂਦਾ ਹੈ, ਜੋ ਕਿ ਪੀੜ੍ਹੀਆਂ ਤੋਂ ਚੱਲ ਰਹੀਆਂ ਭਾਰਤੀ ਪਰੰਪਰਾਵਾਂ ਨੂੰ ਦਰਸਾਉਂਦਾ ਹੈ। ਭਗਵਾਨ ਸ਼ਿਵ ਨੂੰ ਸਮਰਪਿਤ ਇਸ ਕਲਾਕ੍ਰਿਤੀ ਵਿੱਚ ਬ੍ਰਹਿਮੰਡੀ ਊਰਜਾ ਦਾ ਪ੍ਰਤੀਕ ਮੰਨੇ ਜਾਣ ਵਾਲੇ ਕਈ ਪਵਿੱਤਰ ਜਿਓਮੈਟ੍ਰਿਕ ਆਕਾਰ ਬਣੇ ਹੋਏ ਹਨ, ਜੋ ਭਾਰਤ ਦੀ ਕਲਾ ਅਤੇ ਅਧਿਆਤਮਿਕਤਾ ਦੇ ਡੂੰਘੇ ਆਪਸੀ ਜੁੜਾਅ ਨੂੰ ਦੁਨੀਆ ਦੇ ਸਾਹਮਣੇ ਉਜਾਗਰ ਕਰਦੇ ਹਨ ਅਤੇ ਇਹ ਭਾਰਤ ਤੇ ਇੰਡੋਨੇਸ਼ੀਆ ਦੀ ਸਾਂਝੀ ਸੱਭਿਆਚਾਰਕ ਵਿਰਾਸਤ ਦਾ ਜਸ਼ਨ ਮਨਾਉਂਦੇ ਹੋਏ ਦੋਵਾਂ ਦੇਸ਼ਾਂ ਵਿਚਕਾਰ ਗੂੜ੍ਹੀ ਦੋਸਤੀ ਦਾ ਇੱਕ ਸਾਰਥਕ ਪ੍ਰਤੀਕ ਬਣਦੀ ਹੈ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਮੋਦੀ ਨੇ ਭਾਰਤ ਦੀ ਚਾਹ ਦੀ ਅਮੀਰ ਵਿਰਾਸਤ ਅਤੇ ਕਾਰੀਗਰੀ ਦਾ ਮੁਜ਼ਾਹਰਾ ਕਰਦਿਆਂ ਅਸਾਮ ਦੀ ਸਭ ਤੋਂ ਦੁਰਲੱਭ ਅਤੇ ਮਸ਼ਹੂਰ ‘ਮਨੋਹਾਰੀ ਗੋਲਡ ਟੀ‘ ਯਾਨੀ ਸੁਨਹਿਰੀ ਚਾਹ ਵੀ ਭੇਟ ਕੀਤੀ, ਜੋ ਵਿਸ਼ਵ ਪੱਧਰ ‘ਤੇ ਆਪਣੀ ਉੱਤਮ ਗੁਣਵੱਤਾ ਲਈ ਜਾਣੀ ਜਾਂਦੀ ਹੈ। ਇਸ ਖ਼ਾਸ ਚਾਹ ਨੂੰ ਚਾਹ ਦੇ ਇੱਕ ਵਿਸ਼ੇਸ਼ ਪੌਦੇ ਦੀਆਂ ਬਹੁਤ ਹੀ ਕੋਮਲ ਕਲੀਆਂ ਤੋਂ ਤਿਆਰ ਕੀਤਾ ਜਾਂਦਾ ਹੈ, ਜਿਸ ਨੂੰ ਜੂਨ ਦੇ ਮਹੀਨੇ ਵਿੱਚ ਦੂਜੇ ਸੀਜ਼ਨ ਦੌਰਾਨ ਮਹਿਲਾ ਕਾਰੀਗਰਾਂ ਦੁਆਰਾ ਬਹੁਤ ਹੀ ਸਾਵਧਾਨੀ ਨਾਲ ਸਿਰਫ਼ ਹੱਥਾਂ ਨਾਲ ਤੋੜਿਆ ਅਤੇ ਰੋਲ ਕੀਤਾ ਜਾਂਦਾ ਹੈ ਅਤੇ ਫਿਰ ਕੁਦਰਤੀ ਤੌਰ ‘ਤੇ ਧੁੱਪ ਵਿੱਚ ਸੁਕਾਇਆ ਜਾਂਦਾ ਹੈ। ਇਸ ਦੀ ਰੋਜ਼ਾਨਾ ਪੈਦਾਵਾਰ ਮਹਿਜ਼ ਪੰਝੀ ਗ੍ਰਾਮ ਦੇ ਲਗਭਗ ਹੁੰਦੀ ਹੈ, ਜਿਸ ਕਾਰਨ ਇਹ ਦੁਨੀਆ ਦੀਆਂ ਸਭ ਤੋਂ ਮਹਿੰਗੀਆਂ ਅਤੇ ਦੁਰਲੱਭ ਚਾਹਾਂ ਵਿੱਚੋਂ ਇੱਕ ਹੈ ਅਤੇ ਇਸ ਵਿੱਚ ਕੁਦਰਤੀ ਤੌਰ ‘ਤੇ ਸਿਹਤ ਲਈ ਲਾਭਦਾਇਕ ਤੱਤ ਅਤੇ ਰੋਗ ਪ੍ਰਤੀਰੋਧਕ ਗੁਣ ਭਰਪੂਰ ਮਾਤਰਾ ਵਿੱਚ ਹੁੰਦੇ ਹਨ, ਜੋ ਇਸ ਨੂੰ ਫੁੱਲਾਂ ਵਰਗੀ ਮਹਿਕ ਅਤੇ ਇੱਕ ਮੁਲਾਇਮ ਕੁਦਰਤੀ ਮਿੱਠਾ ਸੁਆਦ ਪ੍ਰਦਾਨ ਕਰਦੇ ਹਨ। ਇਸ ਸੱਭਿਆਚਾਰਕ ਅਦਾਨ-ਪ੍ਰਦਾਨ ਨੂੰ ਅੱਗੇ ਵਧਾਉਂਦੇ ਹੋਏ ਪ੍ਰਧਾਨ ਮੰਤਰੀ ਨੇ ਕਸ਼ਮੀਰ ਘਾਟੀ ਦੀ ਵਿਸ਼ਵ-ਪ੍ਰਸਿੱਧ ਹਸਤਕਲਾ ਦੀ ਮਿਸਾਲ ਪੇਸ਼ ਕਰਦਾ ਇੱਕ ਰਵਾਇਤੀ ਕਸ਼ਮੀਰੀ ਪੇਪਰ-ਮੈਸ਼ੇ ਬਾਊਲ ਯਾਨੀ ਕਾਗਜ਼ ਦੀ ਲੁਗਦੀ ਤੋਂ ਬਣਿਆ ਇੱਕ ਖ਼ਾਸ ਕਟੋਰਾ ਵੀ ਭੇਟ ਕੀਤਾ, ਜਿਸ ਨੂੰ ਤਿਆਰ ਕਰਨ ਲਈ ਪ੍ਰੋਸੈਸਡ ਕਾਗਜ਼ ਦੀ ਲੁਗਦੀ ਨੂੰ ਹੱਥ ਨਾਲ ਢਾਲਿਆ ਜਾਂਦਾ ਹੈ ਅਤੇ ਕਸ਼ਮੀਰ ਦੀ ਮਸ਼ਹੂਰ ਨੱਕਾਸ਼ੀ ਤਕਨੀਕ ਨਾਲ ਇਸ ਦੇ ਉੱਪਰ ਬਹੁਤ ਹੀ ਬਾਰੀਕ ਫੁੱਲ-ਬੂਟੇ, ਪੰਛੀ ਅਤੇ ਸੁੰਦਰ ਸਜਾਵਟੀ ਪੈਟਰਨ ਬਣਾ ਕੇ ਸੋਨੇ ਦੀ ਮਹੀਨ ਕਾਰੀਗਰੀ ਕੀਤੀ ਜਾਂਦੀ ਹੈ, ਜਿਸ ਨੂੰ ਅਖੀਰ ਵਿੱਚ ਚਮਕਦਾਰ ਰੋਗਨ ਨਾਲ ਸੁਰੱਖਿਅਤ ਅਤੇ ਸੁੰਦਰ ਬਣਾਇਆ ਜਾਂਦਾ ਹੈ, ਜੋ ਸ਼ਾਂਤੀ, ਸੁੰਦਰਤਾ ਅਤੇ ਕੁਦਰਤ ਦੇ ਤਾਲਮੇਲ ਦਾ ਸੁਨੇਹਾ ਦਿੰਦਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਚਾਂਦੀ ਦੀ ਕਾਰੀਗਰੀ ਦੀ ਅਮੀਰ ਪਰੰਪਰਾ ਨੂੰ ਦਰਸਾਉਂਦੀ ਰਵਾਇਤੀ ਰਿਪੋਸੇ ਸ਼ੈਲੀ ਦੀ ਇੱਕ ਸਜਾਵਟੀ ਚਾਂਦੀ ਦੀ ਪਲੇਟ ਵੀ ਇੰਡੋਨੇਸ਼ੀਆ ਦੇ ਰਾਸ਼ਟਰਪਤੀ ਨੂੰ ਦਿੱਤੀ, ਜਿਸ ਨੂੰ ਪੂਰੀ ਤਰ੍ਹਾਂ ਹੱਥਾਂ ਨਾਲ ਧਾਤ ਨੂੰ ਉਭਾਰਨ ਵਾਲੀ ਵਿਸ਼ੇਸ਼ ਤਕਨੀਕ ਨਾਲ ਘੜਿਆ ਗਿਆ ਹੈ ਅਤੇ ਇਸ ਦੇ ਕੇਂਦਰ ਵਿੱਚ ਪਵਿੱਤਰਤਾ ਦਾ ਪ੍ਰਤੀਕ ਕਮਲ ਦਾ ਫੁੱਲ ਅਤੇ ਚਾਰੇ ਪਾਸੇ ਬੁੱਧੀਮਤਾ ਤੇ ਖੁਸ਼ਹਾਲੀ ਦੇ ਪ੍ਰਤੀਕ ਹਾਥੀਆਂ ਅਤੇ ਰੁੱਖਾਂ ਦਾ ਬਹੁਤ ਹੀ ਸੁੰਦਰ ਬਾਰਡਰ ਉਕਰਿਆ ਹੋਇਆ ਹੈ, ਜੋ ਦੋਵਾਂ ਦੇਸ਼ਾਂ ਦੀ ਜੰਗਲੀ ਜੀਵ ਸੁਰੱਖਿਆ ਪ੍ਰਤੀ ਸਾਂਝੀ ਵਚਨਬੱਧਤਾ ਨੂੰ ਵੀ ਪ੍ਰਗਟ ਕਰਦਾ ਹੈ। ਅੰਤ ਵਿੱਚ, ਉੜੀਸਾ ਰਾਜ ਦੀ ਪ੍ਰਸਿੱਧ ਹੱਥ ਨਾਲ ਬੁਣੀ ਹੋਈ ਰੇਸ਼ਮੀ ਕੱਪੜੇ ਦੀ ਪਰੰਪਰਾ ਓਡੀਸ਼ਾ ਇਕਾਤ, ਜਿਸ ਨੂੰ ਉੱਥੋਂ ਦੀ ਸਥਾਨਕ ਭਾਸ਼ਾ ਵਿੱਚ ‘ਬੰਧਾ’ ਕਿਹਾ ਜਾਂਦਾ ਹੈ, ਵੀ ਭੇਟ ਕੀਤੀ ਗਈ ਜੋ ਆਪਣੀ ਗੁੰਝਲਦਾਰ ਤਾਣੇ-ਬਾਣੇ ਦੀ ਰੰਗਾਈ ਤਕਨੀਕ ਅਤੇ ਦੋਵਾਂ ਪਾਸਿਆਂ ਤੋਂ ਇੱਕੋ ਜਿਹੇ ਸ਼ਾਨਦਾਰ ਪੈਟਰਨਾਂ ਤੇ ਮੁਲਾਇਮ ਘੁੰਮਣਦਾਰ ਡਿਜ਼ਾਈਨਾਂ ਲਈ ਦੁਨੀਆ ਭਰ ਵਿੱਚ ਪ੍ਰਸਿੱਧ ਹੈ। ਸੰਬਲਪੁਰ, ਨੂਆਪਾਟਨਾ ਅਤੇ ਬਰਗੜ੍ਹ ਵਰਗੇ ਪ੍ਰਮੁੱਖ ਬੁਣਾਈ ਕੇਂਦਰਾਂ ਵਿੱਚ ਤਿਆਰ ਹੋਣ ਵਾਲਾ ਇਹ ਸਦਾਬਹਾਰ ਕੱਪੜਾ ਉੜੀਸਾ ਦੀ ਸੱਭਿਆਚਾਰਕ ਪਛਾਣ ਅਤੇ ਕਹਾਣੀ ਸੁਣਾਉਣ ਦੀ ਸ਼ਾਨਦਾਰ ਪਰੰਪਰਾ ਨੂੰ ਕੈਨਵਸ ਵਾਂਗ ਪੇਸ਼ ਕਰਦਾ ਹੈ। ਇਸ ਤਰ੍ਹਾਂ ਪ੍ਰਧਾਨ ਮੰਤਰੀ ਮੋਦੀ ਦੁਆਰਾ ਦਿੱਤੇ ਗਏ ਇਹ ਸਾਰੇ ਤੋਹਫ਼ੇ ਨਾ ਸਿਰਫ਼ ਭਾਰਤ ਦੀ ਅਮੀਰ ਕਲਾਤਮਕ ਵਿਰਾਸਤ ਅਤੇ ਰਚਨਾਤਮਕਤਾ ਦਾ ਪ੍ਰਗਟਾਵਾ ਕਰਦੇ ਹਨ, ਬਲਕਿ ਇਹ ਦੋਵਾਂ ਦੇਸ਼ਾਂ ਦੇ ਇਤਿਹਾਸਕ ਸਬੰਧਾਂ, ਆਪਸੀ ਵਿਸ਼ਵਾਸ ਅਤੇ ਅਧਿਆਤਮਿਕ ਸਾਂਝ ਨੂੰ ਅੰਤਰਰਾਸ਼ਟਰੀ ਪੱਧਰ ‘ਤੇ ਇੱਕ ਨਵੀਂ ਅਤੇ ਮਜ਼ਬੂਤ ਦਿਸ਼ਾ ਪ੍ਰਦਾਨ ਕਰਦੇ ਹਨ ਜਿਸ ਦੀ ਚਰਚਾ ਹੁਣ ਪੂਰੀ ਦੁਨੀਆ ਦੇ ਰਾਜਨੀਤਿਕ ਅਤੇ ਸੱਭਿਆਚਾਰਕ ਹਲਕਿਆਂ ਵਿੱਚ ਬਹੁਤ ਉਤਸ਼ਾਹ ਨਾਲ ਹੋ ਰਹੀ ਹੈ।

ਹੋਰ ਤਾਜ਼ਾ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂ  ਪ੍ਰਾਈਵੇਟ ਸਕੂਲਾਂ ਦੀ ਲੁੱਟ ਖ਼ਿਲਾਫ਼ ਸੀ.ਐਂਮ ਮਾਨ ਦਾ ਵੱਡਾ ਐਕਸ਼ਨ; ੭੮੦੦ ਸਕੂਲਾਂ ਨੂੰ ੩ ਸਾਲਾਂ ਦਾ ਰਿਕਾਰਡ ਦੇਣ ਦੇ ਹੁਕਮ, ਫ਼ੀਸਾਂ ਹੋਣਗੀਆਂ ਵਾਪਸ