ਸਟੇਟ ਕਮੇਟੀ ਦੇ ਹਰ ਸੰਘਰਸ਼ ਨੂੰ ਪੂਰੀ ਤਨਦੇਹੀ ਨਾਲ ਲਾਗੂ ਕੀਤਾ ਜਾਵੇਗਾ………ਚੰਨਣਵਾਲ

ਬਰਨਾਲਾ ਬਿਊਰੋ 15 ਅਪ੍ਰੈਲ

       ਅੱਜ ਸਾਝੀ ਸੰਘਰਸ਼ ਕਮੇਟੀ ਸ/ਡ ਮਹਿਲਕਲਾਂ ਦੀਆਂ ਸਮੂਹ ਜਥੇਬੰਦੀਆਂ ਵੱਲੋ ਇੰਜ ਜਸਵਿੰਦਰ ਸਿੰਘ ਚੰਨਣਵਾਲ ਦੀ ਅਗਵਾਈ ਵਿੱਚ ਐਸ ਡੀ ਓ ਪਾਵਰਕਾਮ ਮਹਿਲਕਲਾਂ ਨੂੰ ਜੁਆਇੰਟ ਫੋਰਮ ਪੰਜਾਬ ਅਤੇ ਏਕਤਾ ਮੰਚ ਪੰਜਾਬ ਵੱਲੋ ਉਲੀਕੇ ਸੰਘਰਸ਼ ਪ੍ਰੋਗਰਾਮ 11 ਅਪ੍ਰੈਲ ਤੋ 25 ਅਪ੍ਰੈਲ ਤੱਕ ਵਰਕ ਟੂ ਰੂਲ ਲਾਗੂ ਕਰਨ ਦਾ ਨੋਟਿਸ ਦਿੱਤਾ ਗਿਆ । ਸਾਥੀ ਜਸਵਿੰਦਰ ਸਿੰਘ  ਚੰਨਣਵਾਲ ਨੇ ਦੱਸਿਆ ਕਿ ਮਹਿਲਕਲਾਂ ਦੇ ਬਿਜਲੀ ਕਾਮੇ ਪੂਰੀ ਤਨਦੇਹੀ ਨਾਲ ਵਰਕ ਟੂ ਰੂਲ ਲਾਗੂ ਕਰ ਰਹੇ ਹਨ । ਐਮ ਐਸ ਯੂ ਆਗੂ ਅਮਰਿੰਦਰ ਸਿੰਘ ਵੜੈਚ ਨੇ ਦੱਸਿਆ ਕਿ ਪਾਵਰਕਾਮ ਦੀ ਮਨੈਜਮੈਟ ਵੱਲੋ ਬਿਜਲੀ ਮੁਲਾਜ਼ਮਾਂ ਦੀਆਂ ਮੰਨੀਆਂ ਮੰਗਾਂ ਨੂੰ ਲਾਗੂ ਕਰਨ ਤੋ ਟਾਲਾ ਵੱਟਣ ਦੇ ਵਿਰੋਧ ਵਿੱਚ,  ਸਮੁੱਚੇ ਪੰਜਾਬ ਵਿੱਚ ਬਿਜਲੀ ਮੁਲਾਜ਼ਮ ਆਪਣੀ ਬਣਦੀ ਡਿਊਟੀ ਅੱਠ ਘੰਟੇ ਵਰਕ ਟੂ ਰੂਲ ਅਨੁਸਾਰ ਹੀ ਕਰ ਰਹੇ ਹਨ , ਇਸ ਤੋ ਇਲਾਵਾ ਕੋਈ ਵਾਧੂ ਕੰਮ ਨਹੀਂ ਕਰਨਗੇ ਅਤੇ ਫੋਨ ਦੀ ਵਰਤੋ ਵੀ ਅੱਠ ਘੰਟੇ ਕਰਨਗੇ । ਜੇਕਰ ਪਾਵਰਕਾਮ ਮਨੈਜਮੈਟ ਅਤੇ ਪੰਜਾਬ ਸਰਕਾਰ ਨੇ ਬਿਜਲੀ ਮੁਲਾਜ਼ਮਾਂ ਦੀਆਂ ਮੰਨੀਆਂ ਮੰਗਾਂ ਨੂੰ 16 ਅਪ੍ਰੈਲ ਦੀ ਮੀਟਿੰਗ ਹੱਲ ਨਾ ਕੀਤਾ ਗਿਆ ਤਾ ਸਮੁੱਚੇ ਬਿਜਲੀ ਕਾਮੇ ਪੰਜਾਬ ਪੱਧਰ ਤੇ ਆਪਣੇ ਸੰਘਰਸ਼ ਨੂੰ ਹੋਰ ਤਿੱਖਾ ਕਰਨਗੇ , ਜਿਸ ਕਾਰਨ ਹੋਣ ਵਾਲੇ ਨੁਕਸਾਨ ਦੀ ਪਾਵਰਕਾਮ ਦੀ ਮਨੈਜਮੈਟ ਜ਼ੁੰਮੇਵਾਰ ਹੋਵੇਗੀ ।

ਇਸ ਸਮੇ ਏ ਜੇ ਓ ਦੇ ਆਗੂ ਇੰਜ ਬਿਕਰਮਜੀਤ ਸਿੰਘ ਮੋਹਿਲ , ਟੀ ਐਸ ਯੂ ਸਰਕਲ ਬਰਨਾਲਾ ਦੇ ਸਕੱਤਰ ਕੁਲਵੀਰ ਸਿੰਘ ਔਲਖ , ਗਗਨਦੀਪ ਸਿੰਘ ਛੀਨੀਵਾਲਕਲਾਂ , ਸੁਖਵਿੰਦਰ ਸਿੰਘ ਚੁਹਾਣਕੇ ਕਲਾਂ , ਕਿਰਨਜੀਤ ਸਿੰਘ ਸੰਘੇੜਾ ਹਾਜ਼ਰ ਸਨ ।

ਹੋਰ ਤਾਜ਼ਾਂ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂ