ਇਰਾਨ-ਇਜ਼ਰਾਈਲ ਜੰਗ ਦਾ ਪਰਛਾਵਾਂ

ਪੰਜਾਬ ਦੇ ਪੈਟਰੋਲ ਪੰਪਾਂ ‘ਤੇ ਮਚੀ ਤਰਾਹੀ-ਤਰਾਹੀ, ਅਫਵਾਹਾਂ ਕਾਰਨ ਤੇਲ ਭਰਵਾਉਣ ਲਈ ਲੱਗੀਆਂ ਲੰਬੀਆਂ ਕਤਾਰਾਂ

ਬਰਨਾਲਾ ਬਿਊਰੋ 6 ਮਾਰਚ

ਇਰਾਨ ਅਤੇ ਇਜ਼ਰਾਈਲ ਦੇ ਵਿਚਕਾਰ ਵਧਦੇ ਤਣਾਅ ਅਤੇ ਜੰਗ ਦੇ ਹਾਲਾਤ ਨੇ ਜਿੱਥੇ ਪੂਰੀ ਦੁਨੀਆ ਨੂੰ ਚਿੰਤਾ ਵਿੱਚ ਪਾਇਆ ਹੋਇਆ ਹੈ, ਉੱਥੇ ਹੀ ਪੰਜਾਬ ਵਿੱਚ ਇਸ ਦਾ ਅਸਰ ਅਫਵਾਹਾਂ ਦੇ ਰੂਪ ਵਿੱਚ ਦੇਖਣ ਨੂੰ ਮਿਲ ਰਿਹਾ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਸੋਸ਼ਲ ਮੀਡੀਆ ‘ਤੇ ਫੈਲ ਰਹੀਆਂ ਖਬਰਾਂ ਨੇ ਆਮ ਜਨਤਾ ਵਿੱਚ ਭਾਰੀ ਡਰ ਪੈਦਾ ਕਰ ਦਿੱਤਾ ਹੈ, ਜਿਸ ਕਾਰਨ ਸੂਬੇ ਦੇ ਪੈਟਰੋਲ ਪੰਪਾਂ ‘ਤੇ ਲੋਕਾਂ ਦਾ ਹੜ੍ਹ ਆ ਗਿਆ ਹੈ।

ਕੀ ਹੈ ਪੂਰਾ ਮਾਮਲਾ?

ਸੋਸ਼ਲ ਮੀਡੀਆ ‘ਤੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਜੰਗ ਦੇ ਚਲਦਿਆਂ ਭਾਰਤ ਕੋਲ ਪੈਟਰੋਲ ਅਤੇ ਡੀਜ਼ਲ ਦਾ ਸਟਾਕ ਸਿਰਫ ਕੁਝ ਦਿਨਾਂ ਲਈ ਹੀ ਬਚਿਆ ਹੈ। ਲੋਕਾਂ ਨੂੰ ਖਦਸਾ ਹੈ ਕਿ ਜੇਕਰ ਇਹ ਯੁੱਧ ਲੰਬਾ ਖਿੱਚਿਆ ਗਿਆ ਤਾਂ ਤੇਲ ਦੀ ਸਪਲਾਈ ਪੂਰੀ ਤਰ੍ਹਾਂ ਪ੍ਰਭਾਵਿਤ ਹੋ ਸਕਦੀ ਹੈ ਅਤੇ ਪੰਪਾਂ ‘ਤੇ ਤੇਲ ਖਤਮ ਹੋ ਜਾਵੇਗਾ। ਇਸੇ ਡਰ ਦੇ ਮਾਰੇ ਲੋਕ ਆਪਣੀਆਂ ਗੱਡੀਆਂ ਦੀਆਂ ਟੈਂਕੀਆਂ ਫੁੱਲ ਕਰਵਾਉਣ ਦੇ ਨਾਲ-ਨਾਲ ਘਰਾਂ ਵਿੱਚ ਤੇਲ ਸਟੋਰ ਕਰਨ ਲੱਗੇ ਹਨ।

ਸੇਲ ਵਿੱਚ ਭਾਰੀ ਉਛਾਲ http://ਐੱਸਐੱਸਡੀ ਕਾਲਜ ਬਰਨਾਲਾ ਵਿਖੇ ਲੋਗੋ ਮੇਕਿੰਗ ਮੁਕਾਬਲੇ ਰਾਹੀਂ ਵਿਦਿਆਰਥੀਆਂ ਨੇ ਦਿਖਾਈ ਆਪਣੀ ਰਚਨਾਤਮਕ ਕਲਾ

ਤੇਲ ਦੀ ਵਿਕਰੀ ਦੇ ਅੰਕੜੇ ਹੈਰਾਨ ਕਰਨ ਵਾਲੇ ਹਨ। ਇੱਕ ਪੈਟਰੋਲ ਪੰਪ ਮਾਲਕ ਅਨੁਸਾਰ, ਜਿੱਥੇ ਜੰਗ ਤੋਂ ਪਹਿਲਾਂ ਡੀਜ਼ਲ ਦੀ ਰੋਜ਼ਾਨਾ ਸੇਲ ਮਹਿਜ਼ 2 ਤੋਂ 3 ਹਜ਼ਾਰ ਲੀਟਰ ਹੁੰਦੀ ਸੀ, ਉੱਥੇ ਹੀ ਹੁਣ ਇਹ ਵਧ ਕੇ 14 ਤੋਂ 15 ਹਜ਼ਾਰ ਲੀਟਰ ਤੱਕ ਪਹੁੰਚ ਗਈ ਹੈ। ਖਾਸ ਕਰਕੇ ਕਿਸਾਨ ਵਰਗ ਵਿੱਚ ਭਾਰੀ ਚਿੰਤਾ ਦੇਖੀ ਜਾ ਰਹੀ ਹੈ। ਆਉਣ ਵਾਲੇ ਸਮੇਂ ਵਿੱਚ ਖੇਤੀਬਾੜੀ ਦੇ ਕੰਮਾਂ ਵਿੱਚ ਕੋਈ ਰੁਕਾਵਟ ਨਾ ਆਵੇ, ਇਸ ਲਈ ਕਿਸਾਨ ਵੱਡੇ-ਵੱਡੇ ਡਰੰਮਾਂ ਅਤੇ ਘਰਾਂ ਵਿੱਚ ਬਣਾਈਆਂ ਟੈਂਕੀਆਂ ਵਿੱਚ ਤੇਲ ਸਟੋਰ ਕਰ ਰਹੇ ਹਨ।

ਪ੍ਰਸ਼ਾਸਨ ਅਤੇ ਮਾਹਿਰਾਂ ਦੀ ਰਾਏ

ਹਾਲਾਂਕਿ ਇਹ ਸਭ ਅਫਵਾਹਾਂ ‘ਤੇ ਅਧਾਰਿਤ ਹੈ, ਪਰ ਲੋਕਾਂ ਵਿੱਚ ਪੈਦਾ ਹੋਈ “ਪੈਨਿਕ ਬਾਇੰਗ” (ਘਬਰਾਹਟ ਵਿੱਚ ਖਰੀਦਦਾਰੀ) ਕਾਰਨ ਕਈ ਥਾਵਾਂ ‘ਤੇ ਤੇਲ ਦੀ ਅਸਥਾਈ ਕਿੱਲਤ ਜ਼ਰੂਰ ਪੈਦਾ ਹੋ ਸਕਦੀ ਹੈ। ਜੇਕਰ ਲੋਕ ਇਸੇ ਤਰ੍ਹਾਂ ਜ਼ਰੂਰਤ ਤੋਂ ਜ਼ਿਆਦਾ ਤੇਲ ਸਟੋਰ ਕਰਦੇ ਰਹੇ, ਤਾਂ ਪੰਪਾਂ ਦਾ ਮੌਜੂਦਾ ਸਟਾਕ ਜਲਦੀ ਖਤਮ ਹੋ ਸਕਦਾ ਹੈ।

 ਬਰਨਾਲ਼ਾ ਦੇ ਇੱਕ ਪੈਟਰੋਲ ਪੰਪ ‘ਤੇ ਡੀਜ਼ਲ ਦੇ ਡਰੰਮ ਭਰਵਾਉਣ ਲਈ ਲੱਗੀਆਂ ਵਾਹਨਾਂ ਦੀਆਂ ਲੰਬੀਆਂ ਕਤਾਰਾਂ।

ਹੋਰ ਤਾਜ਼ਾਂ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂhttps://theopeneyes24.com/wp-admin/post-new.php