ਗੁਲਜ਼ਾਰ ਸਿੰਘ ਦੇ ਮਾਮਲੇ ਵਿੱਚ ਪਰਿਵਾਰਕ ਰੁਖ਼ ਨੂੰ ਲੈ ਕੇ ਉੱਠੇ ਸਵਾਲ, ਮੁਆਵਜ਼ੇ ਅਤੇ ਨੌਕਰੀ ਮਗਰੋਂ ਅਸਲ ਨਸ਼ਾ ਵਿਰੋਧੀ ਮੁੱਦਾ ਪਿੱਛੇ ਪਿਆ

ਬਰਨਾਲਾ ਬਿਊਰੋ

                 ਪੰਜਾਬ ਦੀ ਧਰਤੀ ਉੱਤੇ ਵਾਪਰਨ ਵਾਲੇ ਸੰਵੇਦਨਸ਼ੀਲ ਘਟਨਾਕ੍ਰਮਾਂ ਵਿੱਚ ਕਈ ਵਾਰ ਅਜਿਹਾ ਪਹਿਲੂ ਸਾਹਮਣੇ ਆਉਂਦਾ ਹੈ ਜੋ ਸਮਾਜਿਕ ਅਤੇ ਨੈਤਿਕ ਮੁੱਦਿਆਂ ਨੂੰ ਪੂਰੀ ਤਰ੍ਹਾਂ ਬਦਲ ਕੇ ਰੱਖ ਦਿੰਦਾ ਹੈ ਜਿਵੇਂ ਕਿ ਹਾਲ ਹੀ ਵਿੱਚ ਗੁਲਜ਼ਾਰ ਸਿੰਘ ਦੇ ਮਾਮਲੇ ਵਿੱਚ ਦੇਖਣ ਨੂੰ ਮਿਲ ਰਿਹਾ ਹੈ ਕਿਉਂਕਿ ਭਾਵੇਂ ਹਰ ਸੰਵੇਦਨਸ਼ੀਲ ਇਨਸਾਨ ਦੀ ਹਮਦਰਦੀ ਗੁਲਜ਼ਾਰ ਸਿੰਘ ਨਾਲ ਬਣੀ ਹੋਈ ਸੀ ਅਤੇ ਹਮੇਸ਼ਾ ਰਹੇਗੀ ਪਰ ਉਸ ਦੇ ਪਰਿਵਾਰ ਵੱਲੋਂ ਜਿਸ ਤਰ੍ਹਾਂ ਦਾ ਵਿਵਹਾਰ ਅਤੇ ਬਦਲਦਾ ਰੁਖ਼ ਅਪਣਾਇਆ ਜਾ ਰਿਹਾ ਹੈ, ਉਸ ਨੇ ਕਈ ਵੱਡੇ ਅਤੇ ਗੰਭੀਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ ਕਿਉਂਕਿ ਸ਼ੁਰੂਆਤ ਵਿੱਚ ਪਰਿਵਾਰ ਅਤੇ ਉਨ੍ਹਾਂ ਦੇ ਹਮਾਇਤੀਆਂ ਵੱਲੋਂ ਇਹੋ ਪ੍ਰਚਾਰਿਆ ਗਿਆ ਕਿ ਪ੍ਰਸ਼ਾਸਨ ਵੱਲੋਂ ਧੱਕੇ ਨਾਲ ਸਸਕਾਰ ਕੀਤਾ ਜਾ ਰਿਹਾ ਹੈ ਅਤੇ ਫਿਰ ਕੁਝ ਸਮੇਂ ਬਾਅਦ ਹੀ ਇਹ ਬਿਆਨ ਸਾਹਮਣੇ ਆ ਗਿਆ ਕਿ ਸਸਕਾਰ ਸਹਿਮਤੀ ਨਾਲ ਹੋਇਆ ਹੈ ਪਰ ਇਸ ਤੋਂ ਵੀ ਵੱਧ ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਅੱਜ ਤੜਕੇ ਸਾਰੇ ਸੋਸ਼ਲ ਮੀਡੀਆ ਪੇਜ਼ਾਂ ਅਤੇ ਅਕਾਊਂਟਾਂ ਰਾਹੀਂ ਇਹ ਵੀਡੀਓਜ਼ ਵਾਇਰਲ ਕਰਵਾ ਦਿੱਤੀਆਂ ਗਈਆਂ ਕਿ ਪਰਿਵਾਰ ਤੋਂ ਜ਼ਬਰਦਸਤੀ ਅਤੇ ਧੱਕੇ ਨਾਲ ਸਸਕਾਰ ਕਰਵਾਇਆ ਗਿਆ ਹੈ ਅਤੇ ਉਹ ਮ੍ਰਿਤਕ ਦੇ ਫੁੱਲ ਵੀ ਨਹੀਂ ਚੁਗਣਗੇ ਪਰ ਇਸ ਸਭ ਕੁਝ ਦੇ ਉਲਟ ਅਸਲੀਅਤ ਇਹ ਸਾਹਮਣੇ ਆਈ ਕਿ ਪਰਿਵਾਰ ਨੇ ਨਾ ਸਿਰਫ਼ ਫੁੱਲ ਚੁਗ ਲਏ ਸਗੋਂ ਦਿਨ ਚੜ੍ਹਦਿਆਂ ਹੀ ਤਕਰੀਬਨ ਦਸ ਵਜੇ ਦੇ ਕਰريب ਪੰਜ ਲੱਖ ਰੁਪਏ ਦਾ ਮਾਲੀ ਸਹਾਇਤਾ ਵਾਲਾ ਚੈੱਕ ਵੀ ਬਕਾਇਦਾ ਪ੍ਰਸ਼ਾਸਨ ਤੋਂ ਪ੍ਰਾਪਤ ਕਰ ਲਿਆ ਜਿਸ ਤੋਂ ਬਾਅਦ ਹੁਣ ਇਹ ਕਹਿਣਾ ਬਿਲਕੁਲ ਵੀ ਜਾਇਜ਼ ਨਹੀਂ ਹੋਵੇਗਾ ਕਿ ਉਨ੍ਹਾਂ ਨੂੰ ਇਹ ਚੈੱਕ ਧੱਕੇ ਨਾਲ ਫੜ੍ਹਾਇਆ ਗਿਆ ਸੀ ਕਿਉਂਕਿ ਇਨ੍ਹਾਂ ਸਭਨਾਂ ਘਟਨਾਵਾਂ ਨੇ ਪਹਿਲਾਂ ਹੀ ਇਹ ਸਾਬਤ ਕਰ ਦਿੱਤਾ ਸੀ ਕਿ ਇਸ ਪੂਰੇ ਘਟਨਾਕ੍ਰਮ ਦਾ ਅੰਤਿਮ ਨਤੀਜਾ ਕੀ ਹੋਵੇਗਾ ਕਿਉਂਕਿ ਗ਼ਰਜ਼ ਅਤੇ ਮਜਬੂਰੀ ਇਨਸਾਨ ਹੱਥੋਂ ਬਹੁਤ ਕੁਝ ਕਰਵਾ ਦਿੰਦੀ ਹੈ ਅਤੇ ਆਮ ਲੋਕਾਂ ਵਿੱਚ ਇਹ ਚਰਚਾ ਆਮ ਬਣ ਗਈ ਹੈ ਕਿ ਗ਼ਰੀਬ ਅਤੇ ਲੋੜਵੰਦ ਇਨਸਾਨ ਲਈ ਜ਼ਿੰਦਗੀ ਵਿੱਚ ਕਈ ਵਾਰ ਅਜਿਹੇ ਮੌਕੇ ਬਣ ਜਾਂਦੇ ਹਨ ਜਿੱਥੇ ਉਸ ਨੂੰ ਆਪਣੀ ਗ਼ਰਜ਼ ਮੁਕਾਉਣ ਲਈ ਸਮਝੌਤੇ ਕਰਨੇ ਪੈਂਦੇ ਹਨ ਪਰ ਅਸਲ ਦੁੱਖ ਦੀ ਗੱਲ ਇਹ ਹੈ ਕਿ ਜਿਸ ਅਹਿਮ ਅਤੇ ਗੰਭੀਰ ਮੁੱਦੇ ਦੀ ਗੱਲ ਸਮਾਜਿਕ ਪੱਧਰ ਉੱਤੇ ਜ਼ੋਰ-ਸ਼ੋਰ ਨਾਲ ਹੋਣੀ ਚਾਹੀਦੀ ਸੀ, ਉਹ ਕਿਤੇ ਨਾ ਕਿਤੇ ਗੁਲਜ਼ਾਰ ਦੇ ਚਿਤਾ ਤੋਂ ਉੱਡਣ ਵਾਲੇ ਫੁੱਲਾਂ ਵਾਂਗ ਹਵਾ ਵਿੱਚ ਉੱਡ ਕੇ ਬਹੁਤ ਦੂਰ ਨਿਕਲ ਗਈ ਹੈ ਕਿਉਂਕਿ ਅਸਲ ਮੁੱਦਾ ਤਾਂ ਪੂਰੇ ਪੰਜਾਬ ਵਿੱਚੋਂ ਨਸ਼ਿਆਂ ਦੇ ਕੋਹੜ ਨੂੰ ਜੜ੍ਹੋਂ ਖ਼ਤਮ ਕਰਨ ਦਾ ਸੀ ਜੋ ਕਿ ਸੂਬੇ ਦੇ ਨੌਜਵਾਨਾਂ ਦੀਆਂ ਜਾਨਾਂ ਨਿਗਲ ਰਿਹਾ ਹੈ ਪਰ ਅਫ਼ਸੋਸ ਦੀ ਗੱਲ ਹੈ ਕਿ ਇਹ ਵੱਡਾ ਸਮਾਜਿਕ ਅਤੇ ਸੂਬੇ ਦੇ ਭਵਿੱਖ ਨਾਲ ਜੁੜਿਆ ਮੁੱਦਾ ਆਖ਼ਿਰਕਾਰ ਸਰਕਾਰੀ ਨੌਕਰੀ ਅਤੇ ਮਾਇਕ ਪੈਸੇ ਦੀ ਪ੍ਰਾਪਤੀ ਤੱਕ ਆ ਕੇ ਹੀ ਖ਼ਤਮ ਹੋ ਗਿਆ ਜਿਸ ਨਾਲ ਆਮ ਲੋਕਾਂ ਵਿੱਚ ਇਹ ਨਿਰਾਸ਼ਾ ਦੇਖਣ ਨੂੰ ਮਿਲ ਰਹੀ ਹੈ ਕਿ ਅਸੀਂ ਅਸਲ ਸਮੱਸਿਆ ਦੀ ਬਜਾਏ ਸਿਰਫ਼ ਮੁਆਵਜ਼ੇ ਦੀ ਰਾਜਨੀਤੀ ਤੱਕ ਸੀਮਤ ਹੋ ਕੇ ਰਹਿ ਗਏ ਹਾਂ ਅਤੇ ਜਦੋਂ ਤੱਕ ਸਮਾਜ ਨਸ਼ਿਆਂ ਵਿਰੁੱਧ ਇੱਕਜੁੱਟ ਹੋ ਕੇ ਸੱਚੀ ਲੜਾਈ ਨਹੀਂ ਲੜਦਾ, ਤਦ ਤੱਕ ਅਜਿਹੀਆਂ ਘਟਨਾਵਾਂ ਤੋਂ ਬਾਅਦ ਸਿਰਫ਼ ਸਿਆਸੀ ਰੋਟੀਆਂ ਹੀ ਸੇਕੀਆਂ ਜਾਣਗੀਆਂ ਅਤੇ ਅਸਲ ਪੀੜਤਾਂ ਨੂੰ ਇਨਸਾਫ਼ ਮਿਲਣ ਦੀ ਬਜਾਏ ਮਾਮਲਾ ਆਰਥਿਕ ਸਹਾਇਤਾ ਨਾਲ ਰਫ਼ਾ-ਦਫ਼ਾ ਕਰ ਦਿੱਤਾ ਜਾਵੇਗਾ ਜੋ ਕਿ ਪੰਜਾਬ ਦੇ ਭਵਿੱਖ ਲਈ ਬੇਹੱਦ ਚਿੰਤਾਜਨਕ ਵਿਸ਼ਾ ਹੈ ਅਤੇ ਇਸ ਪੂਰੇ ਵਰਤਾਰ ਨੇ ਹਰ ਸੂਝਵਾਨ ਨਾਗਰਿਕ ਨੂੰ ਸੋਚਣ ਲਈ ਮਜਬੂਰ ਕਰ ਦਿੱਤਾ ਹੈ ਕਿ ਸਾਡੀ ਸਮਾਜਿਕ ਸੋਚ ਕਿਸ ਦਿਸ਼ਾ ਵੱਲ ਜਾ ਰਹੀ ਹੈ।

ਹੋਰ ਤਾਜ਼ਾ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂ ਸਹਿਜੜਾ ਵਿਖੇ ਮੁਫ਼ਤ ਆਯੁਰਵੈਦਿਕ ਤੇ ਹੋਮਿਓਪੈਥਿਕ ਮੈਡੀਕਲ ਕੈਂਪ, 627 ਮਰੀਜ਼ਾਂ ਦਾ ਨਿਰੀਖਣ