ਡਾ. ਰੂਪੇਸ਼ ਸਿੰਗਲਾ ਨੇ 5 ਕਿਲੋਮੀਟਰ ਫਨ ਐਂਡ ਫਿਟਨੈਸ ਪੈਦਲ ਮਾਰਚ ਨੂੰ ਹਰੀ ਝੰਡੀ ਦਿਖਾ ਕੇ ਕੀਤਾ ਰਵਾਨਾ

ਬੇਅੰਤ ਬਰਨਾਲਾ

                 ਸਥਾਨਕ ਸ਼ਹੀਦ ਭਗਤ ਸਿੰਘ ਪਾਰਕ ਵਿਖੇ ਸੀਨੀਅਰ ਸਿਟੀਜ਼ਨ ਸੁਸਾਇਟੀ ਰਜਿਸਟਰਡ ਬਰਨਾਲਾ ਵੱਲੋਂ ਪ੍ਰਧਾਨ ਜੀ ਸੀ ਗੋਇਲ ਦੀ ਅਗਵਾਈ ਹੇਠ ਪੰਜ ਕਿਲੋਮੀਟਰ ਦੀ ਫਨ ਐਂਡ ਫਿਟਨੈਸ ਪੈਦਲ ਮਾਰਚ ਦਾ ਵਿਸ਼ੇਸ਼ ਆਯੋਜਨ ਕੀਤਾ ਗਿਆ। ਪ੍ਰੋਜੈਕਟ ਚੇਅਰਮੈਨ ਰਮੇਸ਼ ਭਾਰਦਵਾਜ, ਜਨਰਲ ਸਕੱਤਰ ਰਾਜਿੰਦਰ ਪ੍ਰਸਾਦ ਸਿੰਗਲਾ ਅਤੇ ਉਪ ਪ੍ਰਧਾਨ ਗਿਆਨ ਚੰਦ ਸਿੰਗਲਾ ਨੇ ਦੱਸਿਆ ਕਿ ਇਸ ਪੈਦਲ ਮਾਰਚ ਦਾ ਮੁੱਖ ਮਕਸਦ ਬਜ਼ੁਰਗਾਂ ਨੂੰ ਸਰਗਰਮ ਅਤੇ ਤੰਦਰੁਸਤ ਰੱਖਣਾ ਹੈ। ਇਸ ਮਾਰਚ ਦਾ ਉਦਘਾਟਨ ਪ੍ਰੇਮ ਆਈ ਐਂਡ ਗਾਇਨੀ ਹਸਪਤਾਲ ਦੇ ਪ੍ਰਬੰਧਕੀ ਨਿਰਦੇਸ਼ਕ ਡਾ. ਰੂਪੇਸ਼ ਸਿੰਗਲਾ ਨੇ ਅਸਮਾਨ ਵਿੱਚ ਗੁਬਾਰੇ ਛੱਡ ਕੇ ਅਤੇ ਹਰੀ ਝੰਡੀ ਦਿਖਾ ਕੇ ਕੀਤਾ।

ਇਸ ਮਾਰਚ ਵਿੱਚ ਮਹਿਲਾ ਮੈਂਬਰਾਂ ਸਮੇਤ ਕੁੱਲ 65 ਮੈਂਬਰਾਂ ਨੇ ਹਿੱਸਾ ਲਿਆ। ਸੁਸਾਇਟੀ ਵੱਲੋਂ ਵਿਸ਼ੇਸ਼ ਟੀ-ਸ਼ਰਟਾਂ ਤਿਆਰ ਕਰਵਾਈਆਂ ਗਈਆਂ ਸਨ ਅਤੇ ਭਾਗੀਦਾਰਾਂ ਲਈ ਪਾਣੀ ਤੇ ਜੀਰੇ ਦੇ ਪਾਣੀ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਨਿਯਮ ਅਨੁਸਾਰ ਹਰ ਮੈਂਬਰ ਨੂੰ ਪਾਰਕ ਦੇ ਅੱਠ ਚੱਕਰ ਲਗਾਉਣੇ ਸਨ, ਜਿਨ੍ਹਾਂ ਵਿੱਚੋਂ ਲਗਭਗ 47 ਮੈਂਬਰਾਂ ਨੇ ਨਿਰਧਾਰਿਤ ਸਮੇਂ ਵਿੱਚ ਆਪਣੇ ਚੱਕਰ ਪੂਰੇ ਕੀਤੇ ਅਤੇ ਉਨ੍ਹਾਂ ਨੂੰ ਪਿਆਰ ਦੀ ਨਿਸ਼ਾਨੀ ਦੇ ਕੇ ਉਤਸ਼ਾਹਿਤ ਕੀਤਾ ਗਿਆ। ਸੁਸਾਇਟੀ ਦੇ ਸਲਾਹਕਾਰ ਅਤੇ ਪ੍ਰਸਿੱਧ ਵਾਤਾਵਰਣ ਪ੍ਰੇਮੀ ਐਸ ਪੀ ਕੌਸ਼ਲ ਨੇ ਇਸ ਸਮਾਗਮ ਨੂੰ ਯਾਦਗਾਰੀ ਬਣਾਉਣ ਲਈ ਪਾਰਕ ਵਿੱਚ ਸਾਰੇ ਮੈਂਬਰਾਂ ਤੋਂ ਹਾਰ-ਸਿੰਗਾਰ ਦਾ ਇੱਕ ਪੌਦਾ ਲਗਵਾਇਆ। ਪ੍ਰਧਾਨ ਜੀ ਸੀ ਗੋਇਲ ਨੇ ਸਾਰੇ ਭਾਗੀਦਾਰਾਂ ਨੂੰ ਵਧਾਈ ਦਿੰਦੇ ਹੋਏ ਇਸ ਦੌੜ ਦੇ ਸਫਲ ਸਮਾਪਤੀ ਦੀ ਘੋਸ਼ਣਾ ਕੀਤੀ ਅਤੇ ਇਸ ਤੋਂ ਬਾਅਦ ਸਾਰੇ ਮੈਂਬਰਾਂ ਨੂੰ ਸੁਸਾਇਟੀ ਦਫ਼ਤਰ ਵਿੱਚ ਸਵੇਰ ਦਾ ਨਾਸ਼ਤਾ ਕਰਵਾਇਆ ਗਿਆ। ਇਸ ਸਮਾਗਮ ਨੂੰ ਸਫਲ ਬਣਾਉਣ ਵਿੱਚ ਸੁਸਾਇਟੀ ਦੇ ਸਰਪ੍ਰਸਤ ਮੁਕੰਦ ਸਿੰਘ ਸੇਵਕ, ਜੋਗਿੰਦਰ ਪਾਲ ਸ਼ਰਮਾ, ਰਾਜ ਕੁਮਾਰ ਅਗਰਵਾਲ, ਮਨਜੀਤ ਸਿੰਘ, ਕੇ ਕੇ ਸਿੰਗਲਾ ਅਤੇ ਇੰਜੀਨੀਅਰ ਰਾਮ ਸਿੰਘ ਨੇ ਚੱਕਰਾਂ ਦੀ ਗਿਣਤੀ ਕਰਨ ਦੀ ਡਿਊਟੀ ਨਿਭਾਈ। ਸੁਸਾਇਟੀ ਦੇ ਪ੍ਰੈਸ ਸਕੱਤਰ ਅਮਰੀਕ ਸਿੰਘ ਅਤੇ ਪ੍ਰਵੀਨ ਬਤਸ ਨੇ ਸ਼ਾਨਦਾਰ ਫੋਟੋਗ੍ਰਾਫੀ ਕੀਤੀ। ਆਯੋਜਨ ਦੌਰਾਨ ਮੈਂਬਰਾਂ ਨੇ ਭੰਗੜਾ ਪਾ ਕੇ ਖੂਬ ਮਨੋਰੰਜਨ ਕੀਤਾ, ਜਦੋਂ ਕਿ ਨਜ਼ੀਰ ਮੁਹੰਮਦ ਅਤੇ ਰਾਜਿੰਦਰ ਜਿੰਦਲ ਨੇ ਰਿਫ੍ਰੈਸ਼ਮੈਂਟ ਵੰਡਣ ਦੀ ਸੇਵਾ ਨਿਭਾਈ ਅਤੇ ਇਸ ਮੌਕੇ ਸੁਸਾਇਟੀ ਦੇ ਹੋਰ ਵੀ ਕਈ ਮੈਂਬਰ ਹਾਜ਼ਰ ਸਨ।

ਹੋਰ ਤਾਜ਼ਾ ਖਬਰਾਂ ਲਈ ਕਲਿੱਕ ਕਰੋ। ਖੁੱਲ੍ਹੀਆਂ ਅੱਖਾਂ