ਏਅਰ ਇੰਡੀਆ ਦੀ ਉਡਾਣ ‘ਚ ਅਸਮਾਨੀ ਖ਼ੌਫ਼, ਹਵਾ ਦੇ ਝਟਕਿਆਂ ਨਾਲ ਬਾਰ੍ਹਾਂ ਯਾਤਰੀ ਜ਼ਖਮੀ, ਕਿਸੇ ਦਾ ਕੰਨ ਫਟਿਆ ਤੇ ਕਿਸੇ ਦਾ ਮੋਢਾ ਖਿਸਕਿਆ

ਦਿੱਲੀ ਬਿਊਰੋ

                  ਥਾਈਲੈਂਡ ਦੇ ਫੁਕੇਟ ਤੋਂ ਦਿੱਲੀ ਆ ਰਹੀ ਏਅਰ ਇੰਡੀਆ ਦੀ ਉਡਾਣ ਦੌਰਾਨ ਅਸਮਾਨ ਵਿੱਚ ਜ਼ਬਰਦਸਤ ਗੜਬੜੀ ਕਾਰਨ ਬਾਰ੍ਹਾਂ ਯਾਤਰੀ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ। ਇਹ ਹਾਦਸਾ ਉਦੋਂ ਵਾਪਰਿਆ ਜਦੋਂ ਜਹਾਜ਼ ਅਚਾਨਕ ਬਹੁਤ ਉਚਾਈ ‘ਤੇ ਹਵਾ ਦੇ ਤੇਜ਼ ਝਟਕਿਆਂ ਦੀ ਲਪੇਟ ਵਿੱਚ ਆ ਗਿਆ ਅਤੇ ਤੇਜ਼ੀ ਨਾਲ ਹੇਠਾਂ ਵੱਲ ਗਿਰਨ ਲੱਗਾ। ਦਿੱਲੀ ਵਿੱਚ ਲੈਂਡਿੰਗ ਤੋਂ ਥੋੜ੍ਹੀ ਦੇਰ ਪਹਿਲਾਂ ਹੋਈ ਇਸ ਘਟਨਾ ਨਾਲ ਕੈਬਿਨ ਦੇ ਅੰਦਰ ਹਵਾ ਦੇ ਦਬਾਅ ਵਿੱਚ ਭਾਰੀ ਬਦਲਾਅ ਆਇਆ, ਜਿਸ ਨਾਲ ਯਾਤਰੀਆਂ ਵਿੱਚ ਚੀਕ-ਚਿਸਾਰਾ ਅਤੇ ਹਫੜਾ-ਦਫੜੀ ਮਚ ਗਈ। ਝਟਕੇ ਇੰਨੇ ਜ਼ਬਰਦਸਤ ਸਨ ਕਿ ਇੱਕ ਯਾਤਰੀ ਦੇ ਕੰਨ ਦਾ ਪਰਦਾ ਫਟ ਗਿਆ, ਜਦਕਿ ਇੱਕ ਹੋਰ ਯਾਤਰੀ ਦਾ ਮੋਢਾ ਖਿਸਕ ਗਿਆ ਅਤੇ ਕਈਆਂ ਦੀਆਂ ਗਰਦਨਾਂ ‘ਤੇ ਗੰਭੀਰ ਸੱਟਾਂ ਲੱਗੀਆਂ। ਹਾਲਾਂਕਿ ਖਰਾਬ ਸਥਿਤੀ ਦੇ ਬਾਵਜੂਦ ਪਾਇਲਟ ਨੇ ਸਮਝਦਾਰੀ ਦਿਖਾਉਂਦੇ ਹੋਏ ਜਹਾਜ਼ ਨੂੰ ਦਿੱਲੀ ਹਵਾਈ ਅੱਡੇ ‘ਤੇ ਸੁਰੱਖਿਅਤ ਉਤਾਰ ਲਿਆ। ਜਹਾਜ਼ ਦੇ ਹੇਠਾਂ ਉਤਰਦੇ ਹੀ ਜ਼ਖਮੀ ਯਾਤਰੀਆਂ ਨੂੰ ਤੁਰੰਤ ਹਵਾਈ ਅੱਡੇ ਦੀ ਡਾਕਟਰੀ ਸੁਵਿਧਾ ਅਤੇ ਹਸਪਤਾਲ ਵਿੱਚ ਇਲਾਜ ਲਈ ਭੇਜਿਆ ਗਿਆ, ਜਿੱਥੇ ਏਅਰਲਾਈਨ ਦੀ ਟੀਮ ਅਤੇ ਡਾਕਟਰੀ ਸਟਾਫ ਉਨ੍ਹਾਂ ਦੀ ਦੇਖਭਾਲ ਕਰ ਰਿਹਾ ਹੈ। ਮਾਹਰਾਂ ਅਨੁਸਾਰ ਅਸਮਾਨ ਵਿੱਚ ਹਵਾ ਦੇ ਅਨਿਯਮਿਤ ਪ੍ਰਵਾਹ, ਤਾਪਮਾਨ ਦੇ ਬਦਲਾਅ ਅਤੇ ਉੱਚੀ ਉਚਾਈ ਵਾਲੀਆਂ ਹਵਾਵਾਂ ਦੇ ਆਪਸੀ ਟਕਰਾਅ ਕਾਰਨ ਅਜਿਹੀ ਅਸਮਾਨੀ ਗੜਬੜ ਪੈਦਾ ਹੁੰਦੀ ਹੈ। ਏਅਰਲਾਈਨ ਦੇ ਬੁਲਾਰੇ ਨੇ ਦੱਸਿਆ ਕਿ ਯਾਤਰੀਆਂ ਦੀ ਸੁਰੱਖਿਆ ਉਨ੍ਹਾਂ ਦੀ ਸਭ ਤੋਂ ਵੱਡੀ ਤਰਜੀਹ ਹੈ ਅਤੇ ਪ੍ਰਭਾਵਿਤ ਲੋਕਾਂ ਨੂੰ ਹਰ ਸੰਭਵ ਮਦਦ ਦਿੱਤੀ ਜਾ ਰਹੀ ਹੈ। ਏਅਰਲਾਈਨ ਇਸ ਪੂਰੀ ਘਟਨਾ ਦੀ ਜਾਂਚ ਵਿੱਚ ਅਧਿਕਾਰੀਆਂ ਨਾਲ ਪੂਰਾ ਸਹਿਯੋਗ ਕਰ ਰਹੀ ਹੈ।

ਹੋਰ ਤਾਜ਼ਾ ਖਬਰਾਂ ਲਈ ਖੁੱਲੀਆਂ ਅੱਖਾਂ ਤੇ ਕਲਿੱਕ ਕਰੋ।ਅਸਮਾਨ ‘ਚ ਏਅਰ ਇੰਡੀਆ ਦੇ ਜਹਾਜ਼ ‘ਚ ਜ਼ਬਰਦਸਤ ਹਲਚਲ, ਕਈ ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਜ਼ਖਮੀ