ਬਰਨਾਲਾ ਬਿਊਰੋ 14 ਮਾਰਚ
ਟ੍ਰਾਈਡੈਂਟ ਕੰਪਲੈਕਸ ਧੌਲਾ ਵਿੱਚ 55ਵੇਂ ਰਾਸ਼ਟਰੀ ਸੁਰੱਖਿਆ ਹਫ਼ਤੇ ਦਾ ਸਮਾਪਨ ਸਮਾਰੋਹ ਬਹੁਤ ਉਤਸ਼ਾਹ ਅਤੇ ਭਾਗੀਦਾਰੀ ਨਾਲ ਮਨਾਇਆ ਗਿਆ। ਇਸ ਸਮਾਰੋਹ ਦਾ ਮੁੱਖ ਉਦੇਸ਼ ਕਾਰਜਸਥਲ ਸੁਰੱਖਿਆ ਦੇ ਨਾਲ-ਨਾਲ ਜਨਤਕ ਸੁਰੱਖਿਆ ਬਾਰੇ ਜਾਗਰੂਕਤਾ ਫੈਲਾਉਣਾ ਸੀ। ਇਸ ਮੌਕੇ ‘ਤੇ ਸ਼੍ਰੀ ਸਾਹਿਲ ਗੋਇਲ ਜੀ, ਡਿਪਟੀ ਡਾਇਰੈਕਟਰ ਆਫ ਫੈਕਟਰੀਜ਼ ਬਰਨਾਲਾ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਕਾਰਜਕ੍ਰਮ ਦੌਰਾਨ ਸ਼੍ਰੀ ਸਾਹਿਲ ਗੋਇਲ ਜੀ ਅਤੇ ਟ੍ਰਾਈਡੈਂਟ ਦੇ ਸੀਨੀਅਰ ਪ੍ਰਬੰਧਨ ਵੱਲੋਂ ਰਾਸ਼ਟਰੀ ਸੁਰੱਖਿਆ ਹਫ਼ਤੇ ਦੌਰਾਨ ਕਰਵਾਈਆਂ ਗਈਆਂ ਵੱਖ-ਵੱਖ ਗਤੀਵਿਧੀਆਂ ਵਿੱਚ ਸਰਗਰਮ ਭਾਗ ਲੈਣ ਵਾਲੇ ਕਰਮਚਾਰੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਨ੍ਹਾਂ ਗਤੀਵਿਧੀਆਂ ਵਿੱਚ ਸੇਫਟੀ ਪੋਸਟਰ ਮੇਕਿੰਗ, ਸੇਫਟੀ ਸਲੋਗਨ, ਸੇਫਟੀ ਸਕਿੱਟ, ਫਾਇਰ ਹਾਈਡ੍ਰੈਂਟ ਡ੍ਰਿਲ ਅਤੇ ਹੋਰ ਸੁਰੱਖਿਆ ਸੰਬੰਧੀ ਪਹਿਲਕਦਮੀਆਂ ਸ਼ਾਮਲ ਸਨ।
ਆਪਣੇ ਸੰਬੋਧਨ ਵਿੱਚ ਸ਼੍ਰੀ ਸਾਹਿਲ ਗੋਇਲ ਜੀ ਨੇ ਘਰ ਤੋਂ ਲੈ ਕੇ ਕਾਰਜਸਥਲ ਤੱਕ ਸਮੁੱਚੀ ਸੁਰੱਖਿਆ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਸੁਰੱਖਿਆ ਸਿਰਫ਼ ਫੈਕਟਰੀ ਤੱਕ ਸੀਮਿਤ ਨਹੀਂ ਹੋਣੀ ਚਾਹੀਦੀ, ਸਗੋਂ ਇਹ ਹਰ ਵਿਅਕਤੀ ਦੀ ਜੀਵਨ ਸ਼ੈਲੀ ਦਾ ਹਿੱਸਾ ਬਣਨੀ ਚਾਹੀਦੀ ਹੈ।
ਉਨ੍ਹਾਂ ਇਸ ਸਾਲ ਦੇ ਰਾਸ਼ਟਰੀ ਸੁਰੱਖਿਆ ਹਫ਼ਤੇ ਦੀ ਥੀਮ “Engage, Educate & Empower People to Enhance Safety” ਬਾਰੇ ਵੀ ਜ਼ਿਕਰ ਕਰਦੇ ਹੋਏ ਸਭ ਨੂੰ ਇਸਨੂੰ ਜ਼ਮੀਨੀ ਪੱਧਰ ‘ਤੇ ਇਮਾਨਦਾਰੀ ਨਾਲ ਲਾਗੂ ਕਰਨ ਲਈ ਪ੍ਰੇਰਿਤ ਕੀਤਾ।
ਉਨ੍ਹਾਂ ਉਦਯੋਗਾਂ ਵਿੱਚ ਸੁਰੱਖਿਆ ਨਿਯਮਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨ ਅਤੇ ਰੋਜ਼ਾਨਾ ਜੀਵਨ ਵਿੱਚ ਵੀ ਸਾਵਧਾਨੀ ਵਰਤਣ ਦੀ ਲੋੜ ‘ਤੇ ਜ਼ੋਰ ਦਿੱਤਾ। ਨਾਲ ਹੀ ਕੰਮਕਾਜ ਦੀ ਥਾਂ ‘ਤੇ ਦੁਰਘਟਨਾਵਾਂ ਨੂੰ ਘਟਾਉਣ ਲਈ ਰੋਕਥਾਮੀ ਕਦਮ ਚੁੱਕਣ ਅਤੇ ਮਜ਼ਬੂਤ ਸੁਰੱਖਿਆ ਸੰਸਕ੍ਰਿਤੀ ਨੂੰ ਵਿਕਸਤ ਕਰਨ ਲਈ ਸੰਸਥਾਵਾਂ ਨੂੰ ਉਤਸ਼ਾਹਿਤ ਕੀਤਾ।
ਕਾਰਜਕ੍ਰਮ ਦਾ ਸਮਾਪਨ ਧੰਨਵਾਦ ਪ੍ਰਸਤਾਵ ਨਾਲ ਕੀਤਾ ਗਿਆ, ਜਿਸ ਵਿੱਚ ਸੁਰੱਖਿਅਤ ਅਤੇ ਸਿਹਤਮੰਦ ਕਾਰਜ ਵਾਤਾਵਰਣ ਬਣਾਉਣ ਦੀ ਵਚਨਬੱਧਤਾ ਨੂੰ ਦੁਹਰਾਇਆ ਗਿਆ।
ਇਸ ਮੌਕੇ ‘ਤੇ ਟ੍ਰਾਈਡੈਂਟ ਦੇ ਸੀਨੀਅਰ ਅਧਿਕਾਰੀਆਂ ਵਿੱਚ ਸ਼੍ਰੀ ਰਜਨੀਸ਼ ਗੇਰਾ ਜੀ, ਸ਼੍ਰੀ ਹੀਰੇਂਦਰ ਗੋਇਲ ਜੀ, ਸ਼੍ਰੀ ਜੇ. ਐਸ. ਰਾਣਾ ਜੀ, ਵਿਂਗ ਕਮਾਂਡਰ ਰਮਨ ਚੌਧਰੀ ਜੀ ਅਤੇ ਸ਼੍ਰੀਮਤੀ ਸਵਿਤਾ ਕਲਵਾਣੀਆ ਜੀ ਦੇ ਨਾਲ-ਨਾਲ ਸੇਫਟੀ, ਫਾਇਰ, ਐਡਮਿਨ ਅਤੇ ਐਚਆਰ ਟੀਮ ਦੇ ਮੈਂਬਰ ਪੰਕਜ, ਸਾਦਿਕ, ਪ੍ਰਖਰ, ਤਨਿਆ, ਅਨੁਰਾਗ, ਸ਼ਾਹਿੰਦਰ, ਰੋਹਿਤ, ਸੰਦੀਪ, ਬਲਜਿੰਦਰ, ਜਸਦੀਪ ਆਦਿ ਵੀ ਮੌਜੂਦ ਰਹੇ।
ਹੋਰ ਖਬਰਾਂ ਲਈ ਕਲਿੱਕ ਕਰੋ। ਅਮਰੀਕਾ ਤੋਂ ਵੱਡੀ ਖਬਰ, 10 ਭਾਰਤੀ ਗ੍ਰਿਫ਼ਤਾਰ ਤੇ 1 ਡਿਪੋਰਟ! ਅਜਿਹਾ ਕਾਰਨਾਮਾ ਕਰਦੇ ਹੋਏ ਕਾਬ
Users Today : 10
Users Yesterday : 10
Users Last 7 days : 314