ਭਿਆਨਕ ਸੜਕ ਹਾਦਸਾ: ਕੰਬਾਈਨ ਦੇ ਕਟਰ ਨੇ ਸਵਿਫਟ ਕਾਰ ਦੀ ਛੱਤ ਦੇ ਉਡਾਏ ਪਰਖੱਚੇ, ਮੌਤ ਦੇ ਮੂੰਹੋਂ ਵਾਲ-ਵਾਲ ਬਚੇ ਕਾਰ ਸਵਾਰ

ਜਲਾਲ ਅਤੇ ਦਿਆਲਪੁਰਾ ਦੇ ਵਿਚਕਾਰ ਅੱਜ ਉਸ ਸਮੇਂ ਇੱਕ ਬਹੁਤ ਹੀ ਭਿਆਨਕ ਅਤੇ ਰੂਹ ਕੰਬਾਊ ਸੜਕ ਹਾਦਸਾ ਵਾਪਰਿਆ ਜਦੋਂ ਇੱਕ ਸਵਿਫਟ ਕਾਰ ਅਤੇ ਸੜਕ ’ਤੇ ਚੜ੍ਹ ਰਹੀ ਕੰਬਾਈਨ ਵਿਚਾਲੇ ਜ਼ਬਰਦਸਤ ਟੱਕਰ ਹੋ ਗਈ। ਪ੍ਰਾਪਤ ਵੇਰਵਿਆਂ ਅਨੁਸਾਰ ਇਹ ਹਾਦਸਾ ਇੰਨਾ ਖ਼ਤਰਨਾਕ ਸੀ ਕਿ ਕੰਬਾਈਨ ਦੇ ਅਗਲੇ ਹਿੱਸੇ ਵਿੱਚ ਲੱਗੇ ਤਿੱਖੇ ਕਟਰ ਨੇ ਕਾਰ ਦੀ ਉੱਪਰਲੀ ਛੱਤ ਨੂੰ ਜੜ੍ਹੋਂ ਉਖਾੜ ਦਿੱਤਾ ਅਤੇ ਗੱਡੀ ਦੇ ਪਰਖੱਚੇ

ਉਡਾ ਦਿੱਤੇ। ਕਾਰ ਸਵਾਰ ਵਿਅਕਤੀ ਫਰੀਦਕੋਟ ਜ਼ਿਲ੍ਹੇ ਦੇ ਜੈਤੋ ਇਲਾਕੇ ਦੇ ਪਿੰਡ ਸੇਵੇਵਾਲਾ ਦੇ ਦੱਸੇ ਜਾ ਰਹੇ ਹਨ, ਜੋ ਦਿਆਲਪੁਰਾ ਵਿਖੇ ਆਪਣੀ ਰਿਸ਼ਤੇਦਾਰੀ ਵਿੱਚੋਂ ਮਿਲ ਕੇ ਵਾਪਸ ਆਪਣੇ ਪਿੰਡ ਜੈਤੋ ਵੱਲ ਜਾ ਰਹੇ ਸਨ। ਜਿਵੇਂ ਹੀ ਕਾਰ ਦਿਆਲਪੁਰਾ ਤੋਂ ਜੈਤੋ ਰੋਡ ‘ਤੇ ਪਹੁੰਚੀ ਤਾਂ ਅਚਾਨਕ ਖੇਤਾਂ ਵਿੱਚੋਂ ਨਿਕਲ ਕੇ ਸੜਕ ‘ਤੇ ਚੜ੍ਹ ਰਹੀ ਕੰਬਾਈਨ ਨਾਲ ਉਸ ਦੀ ਭਿੜੰਤ ਹੋ ਗਈ। ਕੰਬਾਈਨ ਦਾ ਕਟਰ ਇੰਨੀ ਤੇਜ਼ੀ ਨਾਲ ਕਾਰ ਦੇ ਉੱਪਰਲੇ ਹਿੱਸੇ

ਵਿੱਚ ਵੱਜਿਆ ਕਿ ਕਾਰ ਦੀ ਛੱਤ ਕਿਸੇ ਕਾਗਜ਼ ਵਾਂਗ ਪਾੜ ਕੇ ਵੱਖ ਹੋ ਗਈ। ਹਾਦਸੇ ਤੋਂ ਤੁਰੰਤ ਬਾਅਦ ਉੱਥੋਂ ਗੁਜ਼ਰ ਰਹੇ ਰਾਹਗੀਰਾਂ ਨੇ ਵੱਡੀ ਮਿਸਾਲ ਪੇਸ਼ ਕਰਦਿਆਂ ਤੁਰੰਤ ਆਪਣੀਆਂ ਗੱਡੀਆਂ ਰੋਕੀਆਂ ਅਤੇ ਬਚਾਅ ਕਾਰਜ ਸ਼ੁਰੂ ਕੀਤੇ। ਰਾਹਗੀਰਾਂ ਨੇ ਬੜੀ ਮੁਸ਼ੱਕਤ ਨਾਲ ਕਾਰ ਚੋਂ ਚਾਲਕ ਅਤੇ ਹੋਰ ਸਵਾਰਾਂ ਨੂੰ ਬਾਹਰ ਕੱਢਿਆ ਅਤੇ ਉਨ੍ਹਾਂ ਨੂੰ ਸੰਭਾਲਿਆ। ਕੁਦਰਤ ਦਾ ਅਜਿਹਾ ਕਰਿਸ਼ਮਾ ਦੇਖਣ ਨੂੰ ਮਿਲਿਆ ਕਿ ਗੱਡੀ ਦੀ ਇੰਨੀ

ਬੁਰੀ ਹਾਲਤ ਹੋਣ ਦੇ ਬਾਵਜੂਦ ਵੀ ਕਾਰ ਸਵਾਰ ਵਾਲ-ਵਾਲ ਬਚ ਗਏ। ਰਾਹਗੀਰਾਂ ਦੀ ਮੁਸਤੈਦੀ ਸਦਕਾ ਪੀੜਤਾਂ ਨੂੰ ਹੌਸਲਾ ਮਿਲਿਆ ਅਤੇ ਉਨ੍ਹਾਂ ਨੂੰ ਮੁੱਢਲੀ ਸਹਾਇਤਾ ਦਿੱਤੀ ਗਈ। ਇਸ ਹਾਦਸੇ ਨੇ ਸੜਕੀ ਸੁਰੱਖਿਆ ਅਤੇ ਖੇਤੀਬਾੜੀ ਮਸ਼ੀਨਰੀ ਦੇ ਸੜਕਾਂ ‘ਤੇ ਅਚਾਨਕ ਚੜ੍ਹਨ ਕਾਰਨ ਪੈਦਾ ਹੁੰਦੇ ਖ਼ਤਰਿਆਂ ਵੱਲ ਮੁੜ ਇਸ਼ਾਰਾ ਕੀਤਾ ਹੈ। ਫਿਲਹਾਲ ਮੌਕੇ ‘ਤੇ ਲੋਕਾਂ ਦਾ ਭਾਰੀ ਇਕੱਠ ਜਮ੍ਹਾ ਹੋ ਗਿਆ ਅਤੇ ਕਾਰ ਚਾਲਕਾਂ ਨੂੰ ਸੰਭਾਲਣ ਵਿੱਚ ਲੱਗ ਗਏ।