“ਹੁਣ ਲੁਧਿਆਣਾ ‘ਚ ਵੀ ਮਿਲੇਗੀ ਐਕਸਕਲੂਸਿਵ ਕਾਰਡੀਅਕ ਓਪੀਡੀ ਸੇਵਾ”

ਬੀਐਲਕੇ- ਮੈਕਸ ਹਸਪਤਾਲ ਵੱਲੋਂ ਲੁਧਿਆਣਾ ਦੇ ਅਰੋੜਾ ਨਿਊਰੋ ਸੈਂਟਰ ਦੀ ਸ਼ੁਰੂਆਤ

ਨੈਸ਼ਨਲ ਬਿਊਰੋ।

ਬੀਐਲਕੇ- ਮੈਕਸ ਸੁਪਰ ਸਪੈਸ਼ਲਿਟੀ ਹਸਪਤਾਲ ਨਵੀਂ ਦਿੱਲੀ ਨੇ ਲੁਧਿਆਣਾ ਦੇ ਅਰੋੜਾ ਨਿਊਰੋ ਸੈਂਟਰ ਵਿੱਚ ਆਪਣੀਆਂ ਐਕਸਕਲੂਸਿਵ ਕਾਰਡੀਓਲੋਜੀ ਓਪੀਡੀ ਸੇਵਾਵਾਂ ਦੀ ਸ਼ੁਰੂਆਤ ਕੀਤੀ ਹੈ।

ਇਸ ਓਪੀਡੀ ਦਾ ਉਦਘਾਟਨ ਬੀਐਲਕੇ-ਮੈਕਸ ਸੁਪਰ ਸਪੈਸ਼ਲਿਟੀ ਹਸਪਤਾਲ, ਨਵੀਂ ਦਿੱਲੀ ਦੇ ਬੀਐਲਕੇ-ਮੈਕਸ ਹਾਰਟ ਐਂਡ ਵੈਸਕੂਲਰ ਇੰਸਟੀਚਿਊਟ ਦੇ ਚੇਅਰਮੈਨ ਅਤੇ ਐਚਓਡੀ ਅਤੇ ਇਲੈਕਟ੍ਰੋਫਿਜ਼ੀਓਲੋਜੀ ਵਿਭਾਗ ਦੇ ਚੇਅਰਮੈਨ (ਪੈਨ ਮੈਕਸ) ਡਾ. ਟੀ. ਐਸ. ਕਲੇਰ, ਇੰਟਰਵੈਂਸ਼ਨਲ ਕਾਰਡੀਓਲੋਜਿਸਟ ਡਾ. ਜਸਵਿੰਦਰ ਸਿੰਘ ਅਤੇ ਅਰੋੜਾ ਨਿਊਰੋ ਸੈਂਟਰ, ਲੁਧਿਆਣਾ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਓ. ਪੀ. ਅਰੋੜਾ ਦੀ ਮੌਜੂਦਗੀ ਵਿੱਚ ਕੀਤਾ ਗਿਆ।

ਡਾ. ਟੀ. ਐਸ. ਕਲੇਰ ਅਤੇ ਡਾ. ਜਸਵਿੰਦਰ ਸਿੰਘ ਹਰ ਮਹੀਨੇ ਦੇ ਦੂਜੇ ਵੀਰਵਾਰ ਅਤੇ ਚੌਥੇ ਸ਼ਨੀਵਾਰ ਨੂੰ ਸਵੇਰੇ 11 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਅਰੋੜਾ ਨਿਊਰੋ ਸੈਂਟਰ, ਲੁਧਿਆਣਾ ਵਿੱਚ ਉਪਲਬਧ ਰਹਿਣਗੇ, ਜਿੱਥੇ ਉਹ ਮਰੀਜ਼ਾਂ ਨੂੰ ਪ੍ਰਾਇਮਰੀ ਕਨਸਲਟੇਸ਼ਨ ਅਤੇ ਫਾਲੋ-ਅੱਪ ਸੇਵਾਵਾਂ ਪ੍ਰਦਾਨ ਕਰਨਗੇ।

                   ਇਸ ਮੌਕੇ ‘ਤੇ ਡਾ. ਟੀ. ਐਸ. ਕਲੇਰ ਨੇ ਕਿਹਾ, “ਅਕਸਰ ਲੋਕ ਦਿਲ ਨਾਲ ਸੰਬੰਧਿਤ ਸ਼ੁਰੂਆਤੀ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ, ਜਦ ਤੱਕ ਸਮੱਸਿਆ ਗੰਭੀਰ ਨਹੀਂ ਹੋ ਜਾਂਦੀ। ਕੋਰੋਨਰੀ ਆਰਟਰੀ ਡਿਜ਼ੀਜ਼ ਦੇ ਸ਼ੁਰੂਆਤੀ ਸੰਕੇਤਾਂ ਵਿੱਚ ਛਾਤੀ ਵਿੱਚ ਦਰਦ, ਦਬਾਅ ਜਾਂ ਭਾਰਾਪਨ (ਐਂਜਾਈਨਾ), ਜਬੜੇ, ਖੱਬੇ ਮੋਢੇ, ਬਾਂਹ, ਕੋਹਣੀ ਜਾਂ ਪਿੱਠ ਵਿੱਚ ਦਰਦ, ਸਾਹ ਘੱਟ ਆਉਣਾ, ਠੰਢਾ ਪਸੀਨਾ, ਮਤਲੀ, ਥਕਾਵਟ, ਚੱਕਰ ਆਉਣਾ ਜਾਂ ਬੇਹੋਸ਼ੀ ਸ਼ਾਮਲ ਹੋ ਸਕਦੇ ਹਨ। ਇਨ੍ਹਾਂ ਓਪੀਡੀ ਸੇਵਾਵਾਂ ਰਾਹੀਂ ਸਾਡਾ ਮਕਸਦ ਦਿਲ ਦੀ ਬਿਮਾਰੀ ਦੀ ਸਮੇਂ-ਸਿਰ ਪਛਾਣ ਦੀ ਮਹੱਤਤਾ ਬਾਰੇ ਜਾਗਰੂਕਤਾ ਵਧਾਉਣਾ ਅਤੇ ਬਿਹਤਰ ਇਲਾਜੀ ਨਤੀਜੇ ਯਕੀਨੀ ਬਣਾਉਣਾ ਹੈ।”

           ਡਾਕਟਰ ਕਲੇਰ ਨੇ ਅੱਗੇ ਕਿਹਾ, “ਦਿਲ ਦੀਆਂ ਬਿਮਾਰੀਆਂ ਦਾ ਪ੍ਰਭਾਵਸ਼ਾਲੀ ਪ੍ਰਬੰਧ ਸਿਰਫ਼ ਦਵਾਈਆਂ ਤੱਕ ਸੀਮਿਤ ਨਹੀਂ ਹੈ, ਇਸ ਲਈ ਇੱਕ ਹੋਲਿਸਟਿਕ ਦ੍ਰਿਸ਼ਟੀਕੋਣ ਬਹੁਤ ਜ਼ਰੂਰੀ ਹੈ। ਦਿਲ-ਸਿਹਤਮੰਦ ਜੀਵਨਸ਼ੈਲੀ ਜਿਵੇਂ ਕਿ ਸੰਤੁਲਿਤ ਖੁਰਾਕ, ਨਿਯਮਿਤ ਕਸਰਤ, ਪੂਰੀ ਨੀਂਦ ਅਤੇ ਧੂਮਰਪਾਨ ਤੋਂ ਦੂਰ ਰਹਿਣਾ, ਜਟਿਲਤਾਵਾਂ ਨੂੰ ਰੋਕਣ ਅਤੇ ਬਿਹਤਰ ਨਤੀਜਿਆਂ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ।ਪਰ ਲੰਬੇ ਸਮੇਂ ਲਈ ਦਿਲ ਦੀ ਸਿਹਤ ਰੋਜ਼ਾਨਾ ਦੀਆਂ ਚੰਗੀਆਂ ਆਦਤਾਂ ਅਤੇ ਸਹੀ ਚੋਣਾਂ ਨਾਲ ਹੀ ਬਣਦੀ ਹੈ। ਮਰੀਜ਼ਾਂ ਨੂੰ ਆਪਣੀ ਜੀਵਨਸ਼ੈਲੀ ਦੀ ਜ਼ਿੰਮੇਵਾਰੀ ਲੈਣ ਲਈ ਪ੍ਰੇਰਿਤ ਕਰਨਾ ਕਿਸੇ ਵੀ ਪ੍ਰਿਸਕ੍ਰਿਪਸ਼ਨ ਜਿੰਨਾ ਹੀ ਜ਼ਰੂਰੀ ਹੈ।”

“ਮਹੱਤਵਪੂਰਨ ਕਦਮ”   

ਅਰੋੜਾ ਨਿਊਰੋ ਸੈਂਟਰ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਓ. ਪੀ. ਅਰੋੜਾ ਨੇ ਕਿਹਾ, “ਅਰੋੜਾ ਨਿਊਰੋ ਸੈਂਟਰ, ਲੁਧਿਆਣਾ ਨੂੰ ਬੀਐਲਕੇ-ਮੈਕਸ ਹਸਪਤਾਲ ਦੇ ਪ੍ਰਸਿੱਧ ਕਾਰਡੀਓਲੋਜਿਸਟ ਡਾ. ਟੀ. ਐਸ. ਕਲੇਰ ਨਾਲ ਸਾਂਝ ਬਣਾਉਣ ‘ਤੇ ਮਾਣ ਹੈ। ਇਹ ਸਹਿਯੋਗ ਖੇਤਰ ਵਿੱਚ ਉੱਚ-ਗੁਣਵੱਤਾ ਅਤੇ ਮਰੀਜ਼-ਕੇਂਦਰਿਤ ਹੈਲਥਕੇਅਰ ਨੂੰ ਹੋਰ ਮਜ਼ਬੂਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ।”

ਇਹ ਵੀ ਪੜ੍ਹੋ :-

ਬੀਐਲਕੇ-ਮੈਕਸ ਸੁਪਰ ਸਪੈਸ਼ਲਿਟੀ ਹਸਪਤਾਲ, ਨਵੀਂ ਦਿੱਲੀ ਵਿੱਚ ਜਟਿਲ ਦਿਲੀ ਮਾਮਲਿਆਂ ਲਈ ਟਰਸ਼ਰੀ ਕੇਅਰ ਉਪਲਬਧ ਹੈ, ਜਿਸ ਵਿੱਚ ਇੰਟਰਵੈਂਸ਼ਨਲ ਅਤੇ ਮੈਡੀਕਲ ਮੈਨੇਜਮੈਂਟ ਦੋਵੇਂ ਸ਼ਾਮਲ ਹਨ। ਇੱਥੇ 24×7 ਅਧੁਨਿਕ ਕਾਰਡੀਅਕ ਸੁਵਿਧਾਵਾਂ ਉਪਲਬਧ ਹਨ, ਜਿਸ ਕਾਰਨ ਇਹ ਹਸਪਤਾਲ ਕਾਰਡੀਅਕ ਕੇਅਰ ਲਈ ਇੱਕ ਸੈਂਟਰ ਆਫ਼ ਐਕਸੀਲੈਂਸ ਵਜੋਂ ਸਥਾਪਿਤ ਹੈ। ਇਸਦੇ ਨਾਲ ਹੀ ਇੱਥੇ TAVI, ਡਿਵਾਈਸ ਇੰਪਲਾਂਟੇਸ਼ਨ ਅਤੇ ਲੀਡਲੈੱਸ ਪੇਸਮੇਕਰ ਵਰਗੀਆਂ ਉੱਚ ਪੱਧਰੀ ਅਤੇ ਜਟਿਲ ਪ੍ਰਕਿਰਿਆਵਾਂ ਵਿੱਚ ਵੀ ਵਿਸ਼ੇਸ਼ ਮਹਾਰਤ ਮੌਜੂਦ ਹੈ।